Loks

Loks
Loksa
Lidnanznam;	Flag;
Valdkund	Estinma
Eläjiden lugu (2025)	2,492 ristitud
Pind	3,82 km²
Pämez'	Värner Lootsmann; (2010—)
Telefonkod	+372-xxx-xxxx
Aigvö	tal'vel UTC+2,; kezal UTC+3

Loksan video dronaspäi vn 2022 heinkus, 1 min 15 s hätkte

Loks (estin kelel: Loksa) om lidn Estinman pohjoižes. Mülüb Harju-makundha.

Istorii

Eländpunkt mainitase ezmäižen kerdan kirjutadud purtkiš vl 1629.

Vl 1879 Steinbok-graf sauvoi keramižsavičuntegint. Savič tuli hüvän, i vl 1905 hän-žo sauvoi meriportad Valge-jogensun randal dokanke tehmaha da kohendamha venehid. Toihe savičud Hel'sinkihe, Righa da Kronštadtha.

Žilo sai lidnan statusad vl 1993. Šingotase jügumeriportal (A.P. Moller-Maersk Group-kompanijan edheotand) i medicinižen «Medrull»-kompanijan tehmižpalakundal.

Geografijan andmused

Lidn sijadase makundan pohjoižpäivnouzmas, seižub Baltijan meren Suomen lahten suvirandal, sen Hara-lahten sijas, 13 m ü.m.t. keskmäižel korktusel.

Matkad Tallidnhasai om kuz'kümne kilometrad päivlaskmha avtotedme. Voib sadas pälidnhasai i ümbrišton külihesai regulärižel avtobusal, avtostancii om saudud. Toižed lähembaižed lidnad: Kund päivnouzmha, Rakvere suvipäivnouzmha, Tap suvhe, Kehr suvipäivlaskmha, Maardu päivlaskmha.

Eläjad

Vn 2011 Estinman rahvahanlugemižen mödhe lidnan eläjiden lugu oli 3 041 ristitud. Kaikiš suremb lidnan ristitišt oli 4 325 eläjad vl 1990.

Rahvahad (2011): venälaižed — 57,0 %, estilaižed — 30,6 %, toižed rahvahad — 12,4 %.

Kaik kaks' hristanuskondan pühäpertid om letud lidnas: lüteranine kirh (om saudud vll 1847−1853) i ortodoksižen hristanuskondan junalanpert' (2002−2003).