Vil'jandi

Vikipedii
Jump to navigation Jump to search
Vil'jandi
Viljandi (est.)
 Lidnanznam
Et-Viljandi coa.svg
 Flag
Flag of et-Viljandi.svg
Valdkund Estinma
Eläjiden lugu (2018-01-01) 17 525 ristitud
Pind 14,7 km²
Vil'jandi Viljandi (est.)
Pämez' Madis Timpson
(kül'mku 2 017—)
Telefonkod +372-(0)43-xx-xxx
Aigvö tal'vel UTC+2
kezal UTC+3


Vn 2012 lidnan kart.

Vil'jandi (est.: Viljandi [ˈʋilʲˑjɑnʲˑdi], ende Fellin saksan kelel) om Estinman lidn valdkundan suvipoles. Se om Vil'jandin makundan administrativine keskuz. Vil'jandi otab kudenden sijan elijoiden lugumäran mödhe Estinaman lidnoiden keskes.

Istorii[redaktiruida | redaktiruida purde]

Endevanh eländtaho oli sigä jo 5. voz'sadal edel meiden aiglugendad. Estižele lidnale om pandud augud ei möhemba vikingoiden aigad. Visitestonia.com-lehtpolen melen mödhe, ezmäine mainitez neciš tahos om kirjutadud vodel 1154, konz arabialaine Al' Idrisi-mantedai pani toponiman kartale. Nece sana mainiti Vil'jandi-nimed[1]. 12. voz'sadal ezmäine kaikenaigaine eländtaho tegihe ümbri lidnas.

13. voz'sadan augotišes nene tahod oliba anastadud Mekanpidajiden Ordenal. 1224. vodel zavottihe tehta Ordenan lidnust puižiden sauvusiden sijas. Ičeze aigan se oli kaikid vägekahamban Baltjan meren randoil. Sid' 200 voziden aigan saudihe da udistadihe lidnusen äi kerdoid.

Vodel 1283 Rigan arhiepiskop andoi Fellin-eländtahon umbrištole lidnan statusan.[2]

Vil'jandi šingotase sauvondmaterialiden pästandal (pumaterialad), tekstilin tehmižel, metallan ümbriradmižel, sömtegimišton edheotandoil, turizmal i muzikfestivalil.

Geografijan andmused[redaktiruida | redaktiruida purde]

Lidn om ümbärtud mecoil, seižub Vil'jandi-järven randal, järv mülüb lidnha täuzin. Vil'jandi sijadase 161 kilometrad suvhe Tallidnaspäi, 81 kilometrad päivlaskmha Tartuspäi da 97 kilometrad päivnouzmha Pärnuspäi. Om Tallidnan raudtejonon lopstancijaks.

Eläjad[redaktiruida | redaktiruida purde]

Vn 2011 EÜ:n rahvahanlugemižen mödhe lidnan eläjiden lugu oli 17 473 ristitud. Kaikiš suremb ristitišt oli 23 080 eläjad vl 1989.

Rahvahad (enamba 0,4% vl 2011): estilaižed — 94,11%, venänikad — 3,71%, ukrainalaižed — 0,73%, suomalaižed — 0,6%, toižed rahvahad i rahvahuden ozutandata — 0,85%.

Ando Kiviberg radoi edeližen lidnan pämehen vll 2013−2017.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Vil'jandi. — Visitestonia.com. (ven.)
  2. Miljan T. Historical Dictionary of Estonia. — Lanham, MD and Oxford, Scarecrow Press, 2004. — Lp. 490. (angl.)

Irdkosketused[redaktiruida | redaktiruida purde]