Kiviili

Kiviili
Kiviõli
Lidnanznam;	Flag;
Valdkund	Estinma
Eläjiden lugu (2024)	4,792 ristitud
Pind	11,75 km²
Pämez'	Nikolai Vojeikin; (2015—)
Telefonkod	+372-(0)33
Aigvö	tal'vel UTC+2,; kezal UTC+3

Kiviili (est.: Kiviõli «kivine voi») om Estinman lidn valdkundan pohjoižpäivnouzmas. Se mülüb Ida-Virun makundan päivlaskmaižhe Lüganuze-volostihe kaikiš surembaks lidnaks, edel vn 2017 redukud oli erigoittud municipalitetaks.

Istorii

Eländpunktan aluz om pandud vl 1922. Ühtennimine Kiviili-raudtestancii radab «Tallidn — Narv»-raudtel vspäi 1930. Žilo sai lidnan statusad vl 1946, šingotaškanzihe palaban šoidkiven ümbriradmižen ühteks keskusišpäi. Vll 1950−1959 oli Kiviilin rajonan administrativižeks keskuseks. Vll 1964−1991 lugetihe Kohtla-Järve-lidnan palaks.

Kiviili eläb šoidkiven himižel kombinatal i sportturizmal sen kombinatan jändusiden ratud mägil.

Geografijan andmused

Lidn sijadase makundan lodehes, Purtse-jogen hural randpolel (est.: Purtse jõgi 51 km pitte, lankteb Suomen lahthe), 53 m ü.m.t. keskmäižel korktusel, ratud mäged oma ühesakümnehe metrhasai ülemb tahondad lidnan lodehes.

Raudte jagab lidnan kaks'haz, volostin toine Püssi-lidn om Narvan čuradusen jäl'geline stancii. Matkad Tallidnan keskuzpalhasai om läz 130 km päivlaskmha orhal, avtotel vai raudtel.

Eläjad

Vn 2011 Estinman rahvahanlugemižen mödhe lidnan eläjiden lugu oli 5 634 ristitud, nügüdläižen volostin läz koumed videndest, vn 2021 — 4 854 ristitud. Kaikiš suremb lidnan ristitišt oli 11 153 eläjad vl 1970.

Rahvahad (enamba 0,4 % vl 2011): estilaižed — 38,68 %, venänikad — 53,6 %, ukrainalaižed — 1,93 %, suomalaižed — 1,77 %, vaugedvenälaižed — 1,4 %, saksalaižed — 0,87 %, toižed rahvahad — 1,75 %.

Mamankelen mödhe (2021): estin kel' — 34,78 %, venän kel' — 62,26 %, ukrainan kel' — 0,97 %, saksan kel' — 0,27 %, vaugedvenän kel' — 0,23 %, suomen kel' — 0,12 %, toine kel' — 1,23 %, kelen ozutandata — 0,19 %.