Elv

Elv
Elva
Lidnanznam;	Flag;
Valdkund	Estinma
Eläjiden lugu (2024)	5,692 ristitud
Pind	9,92 km²
Pämez'	Aivar Iun; (eloku 2017—)
Telefonkod	+372-xxx-xxxx
Aigvö	tal'vel UTC+2,; kezal UTC+3

Elv (est.: Elva) om Estinman lidn valdkundan suvipäivnouzmas. Om Tartun makundan palaks.

Istorii

Eländpunktan aluz om pandud kuti El'v-raudtestancii «Tartu — Valg»-raudtekeskustal (saudihe vozil 1886−1889). Nimitihe sidä jogen mödhe. Žilo sai lidnan statusad vl 1938. Vll 1950−1962 se oli Elvan rajonan keskuseks.

Elvan ižandusen sarakod oma turizm (sidä kesken sportturizm), avtostöklan tehmine i turbhan pakuitez.

Geografijan andmused

Lidn sijadase makundan suvipäivlaskmas, Elv-ojan i Elv-jogen randoil (Peipusjärven bassein), 49 m ü.m.t. keskmäižel korktusel. Kaks' järved oma lidnan röunoiš: Verevi (12,6 ga) i Arbi (5,5 ga). Puištod ottas lidnan territorijan kaht videndest.

Matkad Tallidnhasai om 220 km lodeheze. Matkad makundan Tartu-keskushesai om kaks'kümne viž kilometrad pohjoižpäivnouzmha.

Tobmuz

Kaik viž žilod da 78 küläd alištudas Elvan volostin tobmudele. Volostin pind — 732 km².

Edeline lidnan pämez' om Eva Kams (2015−2017).

Eläjad

Vn 2011 Estinman rahvahanlugemižen mödhe lidnan eläjiden lugu oli 6,090 ristitud.

Rahvahad: estilaižed — 95,3 %, venälaižed — 2,0 %, toižed rahvahad — 2,7 %.

Openduz

Lidnan gimnazii lugi 816 openikad 2002/2003-openduzvodel. Lapsiden opendusen toižed aluzkundad oma koume päivkodid, muzikškol, norišton keskuz i openduzkeskuz.

Kul'turan aluzkundad oma lidnan kirjišt, kul'turan da joudan Sinilind-keskuz, Tartuman muzei, Leopol'd Hansenan kodi-muzei.