Keil (lidn)

Vikipedii-späi
Keil
Keila
 Lidnanznam
 Flag
Valdkund Estinma
Eläjiden lugu (2018-01-01) 9,775 ristitud
Pind 11,25 km²
Keil Keila
Pämez' Enno Fels
(sügüz'ku 2012—)
Telefonkod +372
Aigvö tal'vel UTC+2,
kezal UTC+3


Keil (est.: Keila, saks.: Kegel) om Estinman lidn da raudtesol'm valdkundan lodehes. Se om Tallidnan suvipäivlaskmaine ezilidn, mülüb Harju-makundha.

Istorii[vajehta | vajehtada tekst]

Eländpunkt mainitase ezmäižen kerdan Danijan lidnusiden kirjas vl 1241. Läz 13. voz'sadan lopuspäi kivine jumalanpert' i žilo senno sijazihe Keil-jogen oiktal randal. Vll 1950−1962 lidn oli Keilan rajonan administrativižeks keskuseks. Nevondkundaližen aigan Tankipolk (sodabaz) radnikoiči lidnanno, jäihe vaiše erasid pertid sišpäi vodele 2009.

Lidn šingotase elektromašiništon tehmižel («Harju Elekter»-kompanijan päfater da edheotandad, suomen Ensto-kompanijan tegim).

Geografijan andmused[vajehta | vajehtada tekst]

Lidn sijadase ühtennimižen jogen hural randal läz täuzin (est.: Keila jõgi 112 km pitte, Suomen lahten bassein), 35..45 m ü.m.t. korktusil. Matkad Tallidnan röunhasai om 15 km pohjoižpäivnouzmha, keskushesai — 25 km pohjoižpäivnouzmha orhal, avtotel vai raudtedme Saue-lidnan kal't. Elektrificiruidud raudte ühtenzoitab Keilad Paldiski-lidnanke i Riisipere-žilonke mugažo.

Eläjad[vajehta | vajehtada tekst]

Vl 1939 eläjiden lugu oli 1 172 ristitud, vn 2011 EÜ:n rahvahanlugemižen mödhe — 9763 ristitud. Vspäi 1990 ristitišton lugu vajehtub 9,5..10,2 tuhad eläjid röunoiš, kaikiš suremb oli 10,2..10,7 tuh. ristituid vl 1990.

Rahvahad (2011, enamba 0,4%): estilaižed — 84,9%, venänikad — 11,0%, ukrainalaižed — 1,4%, suomalaižed — 0,6%, vaugedvenälaižed — 0,5%, toižed rahvahad — 1,6%.

Galerei[vajehta | vajehtada tekst]

Irdkosketused[vajehta | vajehtada tekst]