Viru

Viru
Võru
Lidnanznam;	Flag;
Valdkund	Estinma
Eläjiden lugu (2024)	12,112 ristitud
Pind	14 km²
Pämez'	Anti Allas; (kül'mku 2013—)
Telefonkod	+372-xxx-xxxx
Aigvö	tal'vel UTC+2,; kezal UTC+3

Viru (est.: Võru [ˈʋɤru], vir.: Võro, saks.: Werro; ven.: Верро edel 1917 vot) om lidn da transporttesol'm Estinman suvipäivnouzmas. Om Virun makundan administrativižeks keskuseks da palaks.

Istorii

Edeline Kirumpää-lidneihut mainitaškanzihe vspäi 1322. Se kaiči Derptan arhijereikundan röunad i oli pandud mantazole suriden susedvaldkundoiden äiluguižiden sodoiden rezul'tataks. Nügüd' se om pen' eländpunkt ani pohjoižhe lidnaspäi.

Verro-usadib mainitase ezmäižen kerdan vl 1590. Nügüdläižen eländpunktan aluz om pandud Lifländijan jenaralgubernatoran käskön mödhe vn 1784 elokun 21. päiväspäi kuti uden makundan lidn-keskuz usadiban sijas. Saudihe pertištod vn 1785 planan mödhe. Vn 1793 pühäpert' om letud Jekaterina II-imperatornaižen aburahoišpäi, nimitihe hänen oiktastuseks.

Viru šingotase mecan ümbriradmižen, meblin i turizman edheotandoil, om maižanduzrajonan keskuseks.

Geografijan andmused

Lidn sijadase makundan keskuzpalan pohjoižes. Tamul-järv (est.: Tamula 69 m ü.m.t., 2,3 km²) om lidnan päivlaskmas. Vagul-järv (est.: Vagula kuz' nellikkilometrad pindanke) sijadase sen taga, Vihandu-jogi (est.: Võhandu jõgi 162 km pitte) lähteb sišpäi i om lidnan lodehližeks röunaks. Koreli-oja läbitab lidnan keskuzpalad.

Matkad Tallidnhasai om 221 km lodeheze orhal, 253 km avtotedme vai raudtedme. «Petseri — Valg»-raudtekeskust läbitab lidnan suvipalad.

Eläjad

Vn 2011 Estinman rahvahanlugemižen mödhe lidnan eläjiden lugu oli 12 667 ristitud. Kaik 11 859 eläjad oli lidnas vn 2019 augotišes. Kaikiš suremb lidnan ristitišt oli 17 496 eläjad vl 1989.

Rahvahad (enamba 0,4 % vl 2011): estilaižed — 91,98 %, venänikad — 6,35 %, ukrainalaižed — 0,51 %, toižed rahvahad i rahvahuden ozutandata — 1,16 %.