Kehr

Vikipedii-späi
Kehr
Kehra
 Lidnanznam
 Flag
Valdkund Estinma
Eläjiden lugu (2020-01-01) 2,625 ristitud
Pind 3,9 km²
Kehr Kehra
Telefonkod +372−60-x-xx-xx
Aigvö tal'vel UTC+2,
kezal UTC+3


Lidn vn 2012 volostin kartal
Kehran i sen cellülozbumagaižen kombinatan nägud dronaspäi, 14. kül'mku 2021. Videon hätkeližuz om 2 min 9 s.

Kehr (est.: Kehra) om lidn Estinman pohjoižes. Mülüb Harju-makundha, Anijan volostin keskuz.

Istorii[vajehta | vajehtada tekst]

Kehr-külä (nüg. 1 km pohjoižhe lidnaspäi) mainitase ezmäižen kerdan vl 1241 Hanaegus-nimitusenke. Nügüdläižen eländpunktan aluz om pandud vll 1620−1630 kuti Kehr-kezakülä (est.: Kehra mõis), sen puine sauvuz om kaičenus. Kätihe radnikžiloks vl 1945. Kehr sai lidnan statusad vl 1993 i vhesai 2002 oli erižeks municipalitetaks.

Kehr šingotase cellülozbumagaižel kombinatal, se radab vspäi 1938. Elektrostancijan sauvond planiruiše.

Geografijan andmused[vajehta | vajehtada tekst]

Lidn sijadase makundan päivnouzmas, Jägal-jogen keskjoksmusen hural randal tobjimalaz (est.: Jägala jõgi 98 km pitte, lidnas Kehra jõgi, lankteb Suomen lahthe), 53 m korktusel valdmeren pindan päl. Matkad Tallidnan röunhasai om 25 km päivlaskmha orhal, keskushesai — 43 km lodeheze avtotedme, 39 km (vai 36 minutad) raudtedme.

Raudtestancii om olmas lidnan keskuzpalas «Tallidn — Narv»-keskustal vspäi 1876. «Tallidn — Narv»-avtote mäneb 12 km pohjoižhe lidnaspäi.

Eläjad[vajehta | vajehtada tekst]

Vn 2011 Estinman rahvahanlugemižen mödhe eläjiden lugu oli 2 889 ristitud, 53,0% heišpäi oma estilaižed, 34,8% — venänikad, 12,2% — toižed rahvahad. Vn 2020 augotišes kaik 6 217 ristitud elihe volostiš 532,91 km² pindal.

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]