Saue

**Saue**
Lidnanznam;	Flag;
Valdkund	Estinma
Eläjiden lugu (2024)	6,227 ristitud
Pind	3,49 km²
Pämez'	Harri Pajundi; (2010−2012, 2016—)
Telefonkod	+372-xxx-xxxx
Aigvö	tal'vel UTC+2,; kezal UTC+3

Saue (mugažo estin kelel) om Estinman lidn, Tallidnan suvipäivlaskmaine ezilidn. Sijadase Harju-makundas.

Istorii

Sauen pert'kulu da usadib (saks.: Friedrichshof) om saudud 17. voz'sadal vai sen aigemba.

Eländpunktan aluz om pandud vl 1920 kezaküläks kazvatamha saduid. Vl 1973 nimitihe kezaküläd Saue-küläks. Saue sai lidnan statusad vl 1993. Vozil 1960−1994 oli Tallidnan palaks.

Geografijan andmused

Lidn sijadase Estinman lodehes, makundan keskuzpalan päivlaskmas, tazotahondas, 44 m korktusel valdmeren pindan päl. Pöudod da mecad ümbärtas lidnad.

Eläjad

Vn 2011 Estinman rahvahanlugemižen mödhe lidnan eläjiden lugu oli 5,514 ristitud. Kaikiš suremb lidnan ristitišt om nügüd'.

Rahvahad (2011): estilaižed 93,3 %, venänikad 4,7 %, toižed rahvahad 2,0 %.

Vspäi 1998 «Saue JK Laagri»-futbolklub om olmas lidnas. Vspäi 1996 muzikškol lapsiden täht radab.

Transport

Raudteplatform om «Tallidn — Keil»-keskustal vspäi 1872. Vozil 1926−2011 raudtestancijan pert' oli olmas.

Matkad Tallidnan keskushesai om kahesatoštkümne kilometrad, Keil-lidnan keskushesai om seičeme kilometrad. «Tallidn — Pärnu»-avtoten i Tallidnan ümbräravtoten erižtazoristte oma lidnan suves. Elektrojonused ajadas 27 minutas Tallidnan päraudtestancijhasai vspäi 1924.

Galerei

Sauen usadiban päine sauvuz (sügüz'ku 2011)
Tikke-ird (Tõkke, reduku 2009)
Saue-raudteplatform vn 2023 elokus

Irdkosketused

Saue Vikiaitas