Paldiski

Vikipedii-späi
Paldiski
 Lidnanznam
 Flag
Valdkund Estinma
Eläjiden lugu (2017) 3,681 ristitud
Pind 58,37 km²
Paldiski
Pämez' Tiit Peedu
(2014—)
Telefonkod +372
Aigvö tal'vel UTC+2,
kezal UTC+3


Lidnan kart (2012)

Paldiski (mugažo estin kelel) om lidn, sodabaz da jädumatoi port Estinman lodehes, Harju-makundas. Pakri-sared alištudas lidnan tobmudele mugažo.

Istorii[vajehta | vajehtada tekst]

Sur' Petr pani nügüdläižen eländpunktan alust meriportaks Pakri-sal'men randal vl 1718. Portan, majakan, lidnusen i žilon sauvomine oli vhesai 1726 i seižuhti Petran kolendanke. Žilo portanno nimitihe Rogervik:aks (roč.: Rågervik) vspäi 1723. Jekaterina II jätksi sauvomišt, no päti tehta Kronštadtad kaičendportaks vn 1768 Senatan edespaginad jäl'ghe. Vozil 1762−1922 oficialine nimituz oli Baltine Port (ven.: Балтийский Порт), estin nimituz oli Baltiski vspäi 1733, sid' oficialižikš Baltiski Estinman ripmatomudenke, i vspäi 1933 om nügüdläiženke nimenke. Lidnan status om anttud vl 1783.

Nevondkundaližel aigal atomižiden VA-laivoiden sodameribaz oli lidnas, mugažo il'mvastaižen kaičendan raketbaz da sodalendimport oli lidnan saubaližel territorijal. Vozil 1994−1996 Paldiski mülüi Keil-lidnha. Estinman sodavägiden erazvuiččed toižendad sijadasoiš lidnan sodabazas.

Tulleienergopark om saudud. Tedon da tegimišton Pakri-park šingotase lidnan päivnouzmaižen röunanno.

Geografijan andmused[vajehta | vajehtada tekst]

Lidn sijadase Suomen lahten suvirandal. Matkad Tallidnan keskushesai om 52 km päivnouzmha avtotedme.

Eläjad[vajehta | vajehtada tekst]

Vl 2012 eläjiden lugu oli 4 081 ristitud. Ristitišt poleni vspäi 1991 (8,1 tuhad).

Lidn om äirahvahaline. Estilaižed oma 32,8% vn 2011 rahvahanlugemižen mödhe. Toižed rahvahad oma enamba pol't ristitištos. Hristanuskondan 4 pühäpertid om lidnas.

Transport[vajehta | vajehtada tekst]

Kaks' meriportad jüguiden täht om lidnas, pohjoine i suvine. Poltusen kaičendterminal, kivivoinümbriradai terminal, konteinerterminal oma olmas portoiš. Raudtestancii om olmas vspäi 1870 «Paldiski — TallidnTosno»-raudtel. Ehtatim ujub Ročinman Kapellskär-porthasai.

Homaičendad[vajehta | vajehtada tekst]


Irdkosketused[vajehta | vajehtada tekst]