Rapl

Rapl
Rapla
Lidnanznam;	Flag;
Valdkund	Estinma
Eläjiden lugu (2024)	5,355 ristitud
Pind	4,67 km²
Telefonkod	+372-(0)48
Aigvö	tal'vel UTC+2,; kezal UTC+3

Raplan video dronaspäi 1 min 24 s hätkte, 12. reduku 2021

Rapl (estin kelel: Rapla) om Estinman lidn valdkundan keskuzpalan lodehes. Se om Raplan makundan da volostin administrativine keskuz.

Istorii

Eländpunkt mainitase Danijan makirjas vspäi 1241. Šingotaškanzihe makundan keskuseks 19. voz'sadan lopus, savičuntegim radaškanzi vl 1898. Vl 1899 «Tallidn — Vil'jandi»-raudte läbiti žilod, se mäneb päivnouzmaižeks röunaks. Vl 1993 Rapl sai lidnan statusad.

Rapl šingotase sauvondmaterialiden tehmižel (mujud da kleid) i maidtegimel.

Geografijan andmused

Lidn sijadase makundan keskuzpalan pohjoižpäivnouzmas, Vigal-jogen hural randal tobjimalaz (est.: Vigala 95 km pitte, Kazarin hura ližajogi, se lankteb Rigan lahthe), 67 m ü.m.t. keskmäižel korktusel.

Matkad Tallidnan röunhasai om koumekümne kilometrad pohjoižhe orhal, avtotel vai raudtel.

Kaik koume žilod da 38 küläd mülüiba volostihe Raplan ližaks 243,3 km² pindal edel vn 2017 administrativišt reformad.

Eläjad

Vn 2011 Estinman rahvahanlugemižen mödhe lidnan eläjiden lugu oli 5,202 ristitud (makundan seičemendez), volostin — 9,051 ristitud (makundan nelländez). Vn 2017 lopus volostin röunad oliba levitadud, i siš aigaspäi sen pind om 859,5 km². Kaikiš suremb lidnan ristitišt oli 6,271 eläjad vl 1989.

Rahvahad (2011) estilaižed — 95,75 %, venänikad — 2,67 %, suomalaižed — 0,48 %, toižed rahvahad — 1,1 %.