Kacu tekst Jadrin

{{Eländpunkt
 | Nimi = Jadrin<br />Ядрин <small>(ven.)</small><br />Етĕрне <small>(čuv.)</small>
 | Lidnanznam = Герб Ядрина 1989.jpg
 | Flag = 
 | Lidnanznam text = Jadrinan lidnanznam
 | Flag text = 
 | Valdkund = Venäma
 | Eläjiden lugu = 7,918
 | Voz' = 2021
 | Pind = 54.71
 | Fail = A view around from a church in Yadrin. - 29255595548.jpg
 | Pämez' = Vladislav Mihailov<br/>(sulaku 2017—)
 | Telefonkod = +7-83547-xx-xxx
 | Avtokod = 21. 121
 | Aigvö = [[UTC]]+3 (MSK+0)
}}
[[Fail:A view around from a church in Yadrin.jpg|thumb|left|250px|Lidnan nägu Eläban Eziauguižen Stroican jumalanpertinnopäi (1829), vn 2018 nägu]]
'''Jadrin''' ({{lang-ru|Я́дрин}}, {{lang-cv|Етĕрне}}, {{lang-mhr|Ядырна}}, {{lang-mrj|Йӓдӹрнӓ}}) om [[Venäma]]n lidn da lidnankund [[Čuvašijan Tazovaldkund]]an lodehes. Se om [[Jadrinan rajon]]an administrativine keskuz (vspäi 1927) da üks'jäine lidn.

== Istorii ==
Eländpunktan aluz om pandud vl 1590 kuti varjoičendpost. Külä sai lidnan statusad vl 1781 oficialiženke ''Jadrinsk''-nimitusenke, möhemba nimi lüheni nügüdläižeks.

Jadrinan ižandusen päsarakod oma sömtegimišt (spirttegim, maidon da lihan ümbriradmižen edheotandad), sauvondmaterialiden tehmine ([[savič]]un tegim), mugažo metallmašiništon tegim i omblendfabrik ratas. Lidn om maižanduzrajonan keskuseks.

== Geografijan andmused ==
Lidn sijadase [[Sur (Volgan ližajogi)|Sur-jogen]] hural randpolel, päivlaskmha jogen känmaspäi, 70 m ü.m.t. keskmäižel korktusel.

Matkad [[Čeboksarad|Čeboksarhasai]] om 60 km päivnouzmha orhal vai 77 km avtotedme. Lähembaine raudtestancii om [[Šumerl']]-lidnas 59 km suvhe avtotedme.

== Tobmuz ==
Jadrin om lidnankundan üks'jäižeks eländpunktaks.

Lidnankundan pämez' om sen Deputatoiden Nevondkundan ezimez'. Edeline lidnan pämez' om Irina Oblinova (reduku 2015 — 2017). Edeline lidnan Administracijan pämez' om Igor' Čečeneškin (kül'mku 2020 — kezaku 2022).

== Eläjad ==
Vn 2010 kaiken Venäman rahvahanlugemižen mödhe lidnan eläjiden lugu oli 9 614 ristitud, rajonan ristitišton koumandez, vn 2021 — 7 918 ristitud. Kaik 8 451 eläjad oli lidnas vl 2017. Kaikiš suremb lidnan ristitišt oli 11 tuhad eläjid vozil 1996−2001.

Rahvahad (enamba 0,4 % vl 2021): [[čuvašalaižed]] — 66,7 %, [[venälaižed]] — 31,1 %, [[marilaižed]] — 0,4 %, [[ukrainalaižed]] — 0,4 %, toižed rahvahad — 1,4 %.

[[Ortodoksine hristanuskond|Ortodoksižen hristanuskondan]] viž pühäpertid<ref>[http://sobory.ru/geo/locat/6672 Jadrinan pühäpertid ''sobory.ru''-saital.] {{ref-ru}}</ref> oma kaičenus i saudud lidnas, niišpäi Spasan Toižetamižen päjumalanpert' i Mikoi-arhangelan jumalanpert' oma kaičenus vaiše paloin i ei ole väges.

Lapsiden opendusen aluzkundad oma severz'-se päivkodid, kaks' keskškolad, gimnazii, čomamahtoiden škol, lapsiden sädamižen pert', sportškol. Jadrinan agrotehnine tehnikum<ref>[http://yatyadrin.ru/ Jadrinan agrotehnižen tehnikuman sait (''yatyadrin.ru'').]</ref> om lidnan professionaližen opendusen aluzkundaks.

== Transport ==
Avtobusad oma kundaližeks transportaks lidnas.

«Volg»-avtote (M7) om vides kilometras pohjoižhe lidnaspäi.

== Homaičendad ==
<references />

== Irdkosketused ==
* [http://gov.cap.ru/Default.aspx?gov_id=532 Lidnankundan lehtpoled Čuvašijan Tazovaldkundan tobmuden aluzkundoiden oficialižel portalal (''gov.cap.ru'')] {{ref-ru}}
* [http://www.yadrin.ru/ Lidnan informacine sait (''yadrin.ru'').] {{ref-ru}}
{{Commons|Category:Yadrin}}

{{Čuvašijan Tazovaldkundan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Čuvašijan Tazovaldkundan lidnad]]
[[Kategorii:Jadrinan rajon|*]]