Kacu tekst Kampal

{{10000}}{{A10000}}
{{Eländpunkt
 | Nimi = Kampal<br />Kampala <small>(angl. i suahili)</small>
 | Lidnanznam = 
 | Flag = 
 | Lidnanznam text = Kampalan lidnanznam
 | Flag text = Kampalan flag
 | Valdkund = Ugand
 | Eläjiden lugu = 1,680,600
 | Voz' = 2019
 | Pind = 189
 | Fail = Kampalamontage.png
 | Pämez' = Erias Lukvago<br/>(viluku 2011—,<br/>''Erias Lukwago'')
 | Telefonkod = +256-(0)41
 | Aigvö = [[UTC]]+3
}}
[[Fail:Location map Kampala.png|thumb|left|250px|Lidnan kart (2011)]]
'''Kampal''' ([[anglijan kel'|angl.]] i {{lang-sw|Kampala}}, anglijan virkand: [kæmˈpɑːlə] vai [kɑːmˈpɑːlə]) om [[Ugand]]an pälidn da kaikiš suremb lidn. Se om Ugandan Keskagjan pälidn mugažo, ičeksaz — üks' 112 ümbrikospäi (Kampal-ümbrik).

Lidn om valdkundan politikan, ižandusen da opendusen päkeskuz.

== Istorii ==
Eländpunktan aluz om pandud vl 1890 [[Sur' Britanii|Suren Britanijan]] F. Lugard-kolonistal mectuztahon sijas.

Vl 1906 Kampal kändihe lidnaks, sid' lidn šingotihe Bugand-kunigahusen pälidnaks. Vspäi 1962 Kampal om Ugandan pälidnaks sen ripmatomuden sandan jäl'ghe.

Kampal om valdkundan bankkeskuseks, šingotase sömtegimištol, metallan ümbriradmižen edheotandoil, traktoriden i meblin pästandal. Ugandan söndtavaroiden eksport mäneb pälidnan kal't (kofe, čai, puvill, tabak, sahar).

== Geografijan andmused ==
Lidn sijadase läz [[Viktorii (järv)|Viktorii]]-järven pohjošt randištod, 1200 m ü.m.t. keskmäižel korktusel. Kampalan avanport om [[Port Bell]] kümne kilometrad suvhe lidnaspäi. Lidnan pind om 189 km², niišpäi 176 km² om kuivma, vezi otab 13 nellikkilometrad.

Klimat om [[subekvatorialine vö|subekvatorialine]] pehmed vihmmecoiden pil'vekaz. Kun päiväline keskmäine lämuz om +22,0..+23,7 C° vodes läbi. Ekstremumad oma +12 C° (viluku, kezaku-eloku, tal'vku) i +36 C° (uhoku). Paneb sadegid 1264 mm vodes, enamba sulakus (169 mm) i redukus-kül'mkus (138..149 mm kus), om kaks' kuivahkod sezonad: viluku-uhoku (131 mm) da kezaku-heinku (132 mm). Kun keskmäine relätivine nepsuz vajehtase 66..73 % röunoiš redukus-keväz'kus, 76..80 % sulakus-sügüz'kus.
[[Fail:Kampala District Uganda.png|thumb|left|250px|Kampalan ümbrikon sijaduz valdkundas (2005)]]

== Eläjad ==
Vl 1991 pälidnan eläjiden lugu oli 774 241 ristitud. Vodele 2002 lidnan ristitišt ületi millionad i oli 1 189 142 eläjad. Vn 2014 Ugandan rahvahanlugemižen mödhe lidnan eläjiden lugu oli 1 516 210 ristitud<ref>[http://www.ubos.org/onlinefiles/uploads/ubos/NPHC/NPHC%202014%20PROVISIONAL%20RESULTS%20REPORT.pdf ''Table 2.5.3. Population of the 20 Largest Urban Centres, 1991-2014'' // National Population and Housing Census 2014. Provisional results (Valdkundan ristitišt i kodiden rahvahanlugemine-2014). — Ugandan Statistikan büron sait (''ubos.org'').] — Lp. 19. {{ref-en}}</ref>, läz 2 mln ristituid elihe ezilidnoidenke. Vl 2019 kaik 6 709 900 ristitud elihe ezilidnoidenke 8 451,9 km² pindal, valdkundan kudendez. Kaikiš suremb lidnan i sen aglomeracijan ristitišt om nügüd'.

Znamasine üläopendusen aluzkund om valdkundaline Makerere-universitet<ref>[http://mak.ac.ug/ Makerere-universitetan sait (''mak.ac.ug'').] {{ref-en}}</ref> (35 tuh. üläopenikoid vl 2018). Sen aluz om pandud vl 1922 kut tehnine kolledž. Om erižeks universitetaks vspäi 1970, kogoneb ühesas kolledžaspäi i ühtes biznesškolaspäi. Om toižid-ki üläopendusen aluzkundoid lidnas, ned oma privatižed päpaloin.

== Transport ==
Avtobusad, maršruttaksid, taksid i motociklad-taksid («boda-bod:ad») oma kundaližeks transportaks lidnaglomeracijas. Kampal ühtenzoitase raudtel Kenijan [[Nairobi]]-pälidnanke.

Rahvahidenkeskeine soda- da civiline ''Entebbe''-lendimport (''EBB / HUEN'', 1,8 mln passažiroid vl 2018) radab vspäi 1927, sijadase 41 km suvipäivlaskmha avtotedme Kampalan rahaazjoiden keskusespäi Entebbe-lidnas (oli britanižen kolonialižen administracijan pälidnaks). Sišpäi da sihe tehtas reisid [[Afrik]]an, Päivlaskmaižen [[Evrop]]an da Päivlaskmaižen [[Azii|Azijan]] verhiže maihe.

== Homaičendad ==
<references />

== Irdkosketused ==
* [http://www.kcca.go.ug/ Kampal-pälidnan oficialine portal (''kcca.go.ug'').] {{ref-en}}

{{Afrikan pälidnad}}

[[Kategorii:Kampal| ]]
[[Kategorii:Ugandan lidnad]]
[[Kategorii:Eländpunktad kirjamišton mödhe]]
[[Kategorii:Ugand|*]]
[[Kategorii:Pälidnad]]