Kano (lidn)

Vikipedii-späi
(Oigetud lehtpolelpäi Kano)
Kano
Flag
Valdkund Nigerii
Eläjiden lugu (2016) 3,931,300 ristitud
Pind 499 km²
Kano
Telefonkod +234-
Aigvö UTC+1


Kano (mugažo anglijan i hausa-kelil) om lidn Nigerijan pohjoižes. Se om Kano-štatan administrativine keskuz, valdkundan koumanz' lidn eläjiden lugun mödhe.

Istorii[vajehta | vajehtada tekst]

Lidn oli Kanon kunigahusen pälidnaks 12. voz'sadal, sid' sultanatan pälidnaks vll 1430−1805. Vanhan lidnan seinäd i niiden verajad (12.-14. voz'sadad) oma kaičenus päpaloin. Lidn mainitase Dall-nimitusenke (angl.: Dalla Hill) üks'jäižen kukhan mödhe 15. voz'sadan lophusai. Pälidnan statusan kadotandan jäl'ghe lidnalaižed eliba läbi näl'ged 19. voz'sadal äi kerdoid (vozil 1807−1810, 1830nded, 1847, 1855, 1863, 1873, 1884, 1889−1890), sil-žo aigal Kano jäi regionan kommertižeks keskuseks. Tora Kanonno tegihe vn 1903 keväz'kus, i alištihe lidnad Suren Britanijan tobmudele. Vl 1967 Kano-štat om sätud.

Kano-lidn šingotase erazvuiččil kommertižil holitišil, tekstilin, nahkoiden i kengiden tehmižel (amussai), pähkmiden i puvillan torguindal.

Geografijan andmused[vajehta | vajehtada tekst]

Lidn sijadase savannan Sahel'-zonan suves, 488 m ü.m.t. keskmäižel korktusel.

Klimat om kaks'sezonine tropižen savannan. Sulakun i semendkun lämuz om +30 C°, vilukun — +21 C°, voden keskmäine lämuz om +26 C°. Absolütine minimum oleskeli +13,7 C°. Paneb sadegid 980 mm vodes, kuivsezon oleleb redukus-sulakus (30 mm sezonas).

Eläjad[vajehta | vajehtada tekst]

Vl 2006 lidnan eläjiden lugu oli 2 828 861 ristitud. Kaikiš suremb lidnan ristitišt om nügüd'.

Islaman mečetiden äjüz om avaitud, vspäi 2000 šariatan oiktuz om väges lidnas. Hristanuskondan jumalankodikundoiden viž pühäpertid oma olmas.

Homaičendad[vajehta | vajehtada tekst]