Kacu tekst Keiptaun

{{1000}}{{A10000}}
{{Eländpunkt
 | Nimi = Keiptaun<br />Cape Town <small>(angl.)</small><br />Kaapstad <small>(afr.)</small><br />iKapa <small>(kos.)</small>
 | Lidnanznam = Coat of arms of Cape Town, South Africa.png
 | Flag = Logo of Cape Town, South Africa.svg
 | Lidnanznam text = Keiptaunan lidnanznam
 | Flag text = Keiptaunan flag
 | Valdkund = Suviafrikan Tazovaldkund 
 | Eläjiden lugu = 3,776,313
 | Voz' = 2022
 | Pind = 2,461
 | Fail = Cape Town Montage.png
 | Pämez' = Džordin Hill-L'juis<br/>(kül'mku 2021—,<br/>''Geordin Hill-Lewis'')
 | Telefonkod = +27-21
 | Aigvö = [[UTC]]+2
}}
[[Fail:OpenStreetMap Cape Town small.svg|thumb|left|200px|Suren Keiptaunan kart (2010)]]
'''Keiptaun''' ({{lang-en|Cape Town}}, {{lang-af|Kaapstad}} [ˈkɑːpstat], {{lang-xh|iKapa}} [íkáːpa], {{lang-st|Motse Kapa}}) om lidn [[Suviafrikan Tazovaldkund]]an suvipäivlaskmas. Se om [[Päivlaskmaine Kapan provincii|Päivlaskmaižen Kapan provincijan]] administrativine keskuz, valdkundan kahtenz' lidn eläjiden lugun mödhe.

Suviafrikan Tazovaldkundan parlament i ohjastusen erased aluzkundad sijadasoiš Keiptaunas.

== Istorii ==
Eländpunktan aluz om pandud vl 1652 alamalaižen Jan van Ribek:an ekspedicijal kuti lidn da port [[Atlantine valdmeri|Atlantižen valdmeren]] randal [[Hüvän Toivon nem'|Hüvän Toivon nemenno]] varatoitamha laivoid söndtavaroil. Oli [[Kapan kolonii|Kapan kolonijan]] (1795−1910) pälidnaks. Lidnan municipalitet om sätud vl 1839. Ezmäine raudtekeskust om saudud lidnas vl 1859, raudteverk šingotihe teravas Kapan kolonijas 1870-nzil vozil. Keiptaunan znamoičend poleni [[Suecan kanal]]an avaidusenke vl 1869, no almazoiden löudmine vl 1867 i vn 1886 kuldsäruläžund ližazi immigrantoiden lugud. [[Johannesburg]]an i [[Pretorii|Pretorijan]] rajon dominiruib valdkundas 20. voz'sadan augotišespäi.

Keiptaun šingotase finansižil holitišil, torguindal, sauvondal, sömiden da jomiden pästandal. Lidnan vozne saliž oli 78,7 mlrd US$ vl 2011, ühtele hengele — 19,656 US$.

== Geografijan andmused ==
Lidn sijadase mererandal, 0..1087 m ü.m.t. korktusil (Laudanvuitte mägi). Enamba 70 mägenpäd enamba mi 300 metrad kortte seištas lidnas.

Klimat om [[subtropine vö|subtropine]] Keskmeren toižendan, päivoikaz vodes läbi. Voden keskmäine lämuz om +17,3 C°, tal'vkun-keväz'kun +20,5..+21,9 C°, kezakun-elokun +12,7..+13,2 C°. Ekstremumad oma −1,3 C° (kezaku, heinku) i +45,2 C° (viluku). Kezaaigan minimum om +6,2 C° (tal'vku), tal'vaigan maksimum om +32,0 C° (eloku). Voib panda halad kezakus-elokus vaiše. Il'man lämuz voib ülitada +28 C° miččel taht kul. Paneb sadegid 493 mm vodes, enamba semendkus-elokus (61..92 mm kus), vähemba tal'vkus-keväz'kus (9..13 mm kus). Kun keskmäine relätivine nepsuz vajehtase 71..74 % röunoiš redukus-keväz'kus, 77..81 % sulakus-sügüz'kus.

== Eläjad ==
Vl 1901 kaik 171 tuh. ristituid elihe lidnas. Vl 2011 lidnan eläjiden lugu oli 3 740 025 ristitud ezilidnoidenke. Kaikiš suremb lidnan ristitišt om nügüd' i om kaikenaigaine vspäi 2018, sen ližaduz röunatase [[sadud immuniždeficitan sindrom|SIDS:an]] pošaval i [[vezi|reskveden]] mairhel (25 litrad päiveses ühtele hengele vl 2018).

Ristitišt om erazvuitte augotižlibundan mödhe: orjiden jäl'gelaižed (Malaizii, Indonezii, Madagaskar), sijaližed afrikalaižed, vaugedverižed (Alamad, Germanii, Portugalii). Keiptaun om [[afrikaans]]-kelen kodima.

Edeližed lidnan pämehed (merad) oma Deniel Plato (''Daniel Plato'', kül'mku 2018— reduku 2021, semendku 2009 — semendku 2011), Patrisija de Lill' (''Patricia de Lille'', kezaku 2011 — reduku 2018).

== Transport ==
Avtobusad da taksid oma kundaližeks transportaks. Järed meriport radab lidnas.

Keiptaunan rahvahidenkeskeine lendimport<ref>[http://capetown-internationalairport.co.za/ Keiptaunan rahvahidenkeskeižen lendimportan sait (''capetown-internationalairport.co.za'').] {{ref-en}}</ref><ref>[https://www.airports.co.za/airports/cape-town-international-airport Keiptaunan rahvahidenkeskeine lendimport ''airports.co.za''-saital.] {{ref-en}}</ref> (''CPT / FACT'', 10,7 mln passažiroid vll 2017 sulaku — 2018 keväz'ku) om kahtenz' surtte [[Suviafrikan Tazovaldkund|SAT:as]]. Se sijadase 22 kilometras päivnouzmpolehe lidnan keskusespäi, oigendab reisid Pohjoižamerikan, Evropan da Azijan verhiže maihe, man irdpolele da südäimehe.

== Sebruzlidnad ==
* {{GER|#}} [[Aahen]], [[Pohjoine Rein da Vestfalii]], [[Saksanma]] (vspäi 2000)
* {{ISR|#}} [[Haif]], [[Izrail']] (1975)
* {{CHN|#}} [[Hančžou]], [[Čžeczän]], [[Kitai]] (2005)
* {{FRA|#}} [[Nicc]], [[Francii]] (1974)
* {{RUS|#}} [[Piter]], [[Venäma]] (2001)

== Homaičendad ==
<references />

== Irdkosketused ==
* [http://www.capetown.gov.za/ Lidnan ohjastusen oficialine sait (''capetown.gov.za'').] {{ref-en}}
{{Commons|Kaapstad}}

[[Kategorii:Keiptaun| ]]
[[Kategorii:Suviafrikan Tazovaldkundan lidnad]]
[[Kategorii:Eländpunktad kirjamišton mödhe]]
[[Kategorii:Suviafrikan Tazovaldkund|*]]
[[Kategorii:Päivlaskmaine Kapan provincii|*]]