Kacu tekst Kemin rajon

{{Rajon
| Nimi          = Kemin rajon<br />Кемский район <small>(ven.)</small><br />Kemin piiri <small>(karj. i suom.)</small>
| Znam          = Coat of Arms of Kemsky District.svg
| Flag          = Flag of Kemsky rayon (Karelia).png
| Znam text     = Kemin rajonan znam
| Flag text     = Kemin rajonan flag
| Valdkund      = Venäma
| Pälidn        = Kem' (lidn){{!}}Kem'
| Eläjiden lugu = 15,753
| Year          = 2016
| Pind          = 8,029
| Map           = Location Of Kemsky District (Karelia).svg
| Map width     = 
}}
'''Kemin rajon''' ({{lang-ru|Кемский район}}, [[karjalan keled|karj]]. i {{lang-fi|Kemin piiri}}) om municipaline ühtnik [[Karjalan Tazovaldkund]]as, [[Venäma|Venälaižes Federacijas]].

Administrativine keskuz om [[Kem' (lidn)|Kem']]-lidn. Rajonan ristitišton koume nelländest eläb siš.

== Istorii ==
Rajonan aluz om pandud vl 1927 Karjalha, elokun 29. päivän [[VCIK]]:an käskön mödhe.

Suren Tatanman sodan aigan ei olend Suomenman sodavägid rajonas.

Vspäi 1994 ühtištuihe rajonad [[Kem' (lidn)|Kem'-lidnanke]]. Vl 2002 rajonan päkäskuz om vahvištadud, nügüd' se om väges äiluguižidenke vajehtusidenke.

== Geografijan andmused ==
Kemin rajon om Karjalan Tazovaldkundan pohjoižpäivnouzmaine taho. Pind — 8 029 nellikkilometrad (9nz' sija tazovaldkundas 18späi). [[Mec]] otab territorijan kaks' videndest (3237 km²), se om kavag'mec tobjimalaz.

Om röunoid 4 Venäman rajonanke:
* päivnouzmas [[Arhangel'skan agj]]an [[Mererandaline rajon (Arhangel'skan agj)|Mererandaliženke rajonanke]] Vauktan meren kal't;
* suves [[Karjalan Tazovaldkund]]an [[Belomorskan rajon]]anke;
* päivlaskmas [[Karjalan Tazovaldkund]]an [[Kalevalan rahvahaline rajon|Kalevalan rahvahaliženke rajonanke]];
* pohjoižes [[Karjalan Tazovaldkund]]an [[Louhin rajon]]anke.
[[Vauged meri]] lainištab rajonan päivnouzmaižid randoid.

Znamasine jogi om [[Kem' (jogi, Karjalan Tazoaldkund)|Kem']] ližajogidenke rajonan suves. Kaikiš suremb järv om [[Pon'gom]] lodehes. Kaik om läz 200 järved da enamba 88 joged rajonas<ref>[http://www.kemrk.ru/1413292507/ekonomika/sotsialno_ekonomicheskoe_razvitie_raiona/ Проект программы экономического и социального развития муниципального образования «Кемский муниципальный район» на 2017-2020 годы (Municipaližen «Kemin municipaline rajon»-ühtnikan ekonomižen da socialižen šingotesen program 2017-2020 voziden täht projektas). — Kemin rajonan administracii, 2016 (''kemrk.ru'').] {{ref-ru}}</ref>.

Londuseližed varad oma [[turbaz]], sauvondmaterialad ([[katekivi]], [[sauvondkivi]], [[rugižkivi]], [[ozrikkivi]], [[savi|saved]], [[lete|letked]]), [[mec]], [[kala]], [[vezi|reskvezi]].

Vspäi 2005 rajonan territorii jagase 4 municipaližhe ühtnikha: 1 lidnankund da 3 küläkundad.

== Tobmuz ==
Käskusenandai tobmuz om Rajonan Nevondkund (ven. ''Совет района'') 16 ühtnijanke, kaikenaigaižita radnikoita. Kaik rahvaz valičeb heid videks vodeks. Järgvaličendad sihe oliba vl 2014 kül'mkun 11. päiväl (koumanz' kucund). [[Beläkov Valerii|Valerii Beläkov]] radab Rajonan Nevondkundan ezimehen da rajonan pämehen vs 2014 kül'mkun 11. päiväspäi. Rajonan Nevondkundan ezitajad valitas rajonan pämest i rajonan administracijan pämest ičeze valdatusiden strokun lophusai.

Vs 2006 tal'vkuspäi<ref>[http://stolicaonego.ru/news/2006-12-15.html В Кеми появились глава и бюджет (Pämez' da budžet oma valitud Kemiš). — Petroskoin uzištused 15.12.2006 (''stolicaonego.ru'').] {{ref-ru}}</ref> [[Razumeičik Jurii|Jurii Razumeičik]] om valitud i radab rajonan administracijan pämeheks kontraktan mödhe kahtenden strokun jäl'geten. Kaks' varapämest oma hänele abhu. Ühesa palakundad alištudas rajonan administracijan pämehištole.

== Eläjad ==
Vn 2002 Venäman rahvahanlugemižen mödhe eläjiden lugu oli 5 386 ristitud (20 006 Keminke), vl 2010 — 17 756 ristitud (4 705 Kemita).

Kaik om 19 eländpunktad rajonas (vl 2005), sidä kesken 1 lidn, 9 külänvuittušt žilod, 4 raudtestancijad-eländpunktad, 5 küläd.

Toine sur' eländpunkt om [[Rabočeostrovsk]]-žilo (1,9 tuh. rist. vl 2016).

Rahvahad (vn 2002 Venäman rahvahanlugemižen mödhe, enamba 0,4%)<ref>[http://gov.karelia.ru/gov/Regions/Info/kem_nac.html Справка об исторических, культурных, демографических и национальных особенностях Кемского района (Tedonandmine Kemin rajonan istorižiš, kul'turižiš, demografižiš da rahvahaližiš eriližusiš). — Karjalan Tazovaldkundan Ohjastuz (''gov.karelia.ru'')] {{ref-ru}}</ref>: [[venälaižed]] — 82,3%, [[karjalaižed]] — 5,8%, [[vaugedvenälaižed]] — 5,5%, [[ukrainalaižed]] — 2,9%, [[suomalaižed]] — 0,9%, [[totarlaižed]] — 0,4%, [[pol'šanmalaižed]] — 0,4%, toižed rahvahad — 1,6%, rahvahuden ozutandata — 0,2%.

Vl 2002 19 [[vepsläižed|vepsläšt]] eli rajonas (0,09% sen ristitištospäi).

== Ižanduz ==
Rajonan ižandusen päsarakod oma mecan varhapanend, pumaterialan ümbriradmine, kalankazvatuz, sauvondkiven samine, šebnän tehmine, gidroenergetik ([[Kemin GES:oiden kaskad]]), ujund- da raudtetransport, turizm.

== Homaičendad ==
<references />

== Irdkosketused ==
* [http://www.kemrk.ru/ Kemin rajonan oficialine sait (''kemrk.ru'').] {{ref-ru}}
* [http://gov.karelia.ru/gov/Regions/kem.html Kemin rajon Karjalan Tazovaldkundan oficialižel ''gov.karelia.ru''-saital.] {{ref-ru}}

{{Karjalan Tazovaldkundan rajonad}}

[[Kategorii:Kemin rajon| ]]