Kacu tekst Kolombo

{{10000}}{{A10000}}
{{Eländpunkt
 | Nimi = Kolombo<br />කොළඹ <small>(singal.)</small><br />கொழும்பு <small>(tamil.)</small>
 | Lidnanznam = Coat of arms of Colombo Municipal Council.svg
 | Flag = Flag of Colombo Municipal Council.png
 | Lidnanznam text = Kolombon lidnanznam
 | Flag text = Kolombon flag
 | Valdkund = Šrilank
 | Eläjiden lugu = 752,993
 | Voz' = 2011
 | Pind = 37.32
 | Fail = Colombo2.jpg
 | Pämez' = 
 | Telefonkod = +94-11
 | Aigvö = [[UTC]]+5:30
}}
[[Fail:Location map of greater Colombo.png|thumb|left|250px|Lidnan kart (2017)]]
'''Kolombo''' ({{lang-si|කොළඹ}} [ˈkəlɐmbɞ], {{lang-ta|கொழும்பு}} [koɻumbu], {{lang-en|Colombo}} [kəˈlʌmboʊ]) om [[Šrilank]]an kaikiš suremb lidn, valdkundan ižandusen i kul'turan keskuz. Se om [[Päivlaskmaine agj (Šrilank)|Päivlaskmaižen agjan]] administrativine keskuz, mülüb sihe.

== Istorii ==
Araban, Kitain i Riman torgovanad oleskeliba eländpunktan merikaras kaks' tuhad vozid tagaz. Portugalijalaižed tuliba lidnha 16. voz'sadal, alamalaižed anastiba sidä vl 1656. Vll 1802−1982 Kolombo oli saren oficialižeks pälidnaks: ezmäks [[Britanine imperii|britanižen]] Ceilon-kolonijan, vspäi 1948 Ceilon-dominionan, vspäi 1972 — ripmatoman Šrilank-valdkundan.

Kolombo šingotase järedal meriportal (kaikiš surembišpäi Suviazijas), industrii mülütab nenid sarakoid: himine, tekstiline, kivivoinümbriradai, stöklan i cementan pästand, punümbriradai, nahkoiden ümbriradmine i kengiden tehmine, juvelirtegesiden edheotandad.

== Geografijan andmused ==
[[Fail:Colombo Map.jpg|thumb|left|250px|Lidnan administrativine jagand (2006)]]
Lidn sijadase saren päivlaskmas, [[Indine valdmeri|Indižen valdmeren]] randal, 1 m ü.m.t. keskmäižel korktusel. Valdkundan [[Šri Džajavardenepura Kotte]]-pälidn om saudud ani päivnouzmha Kolombospäi.

Klimat om [[ekvatorialine vö|ekvatorialine]] tropižiden vihmmecoiden, päivoikaz vilukus-sulakus. Kun keskmäine lämuz om +27,2..+28,9 C°. Ekstremumad oma +16,4 C° (viluku) i +36,1 C° (keväz'ku). Paneb sadegid 2397 mm vodes, enamba semendkus (314 mm) i redukus-kül'mkus (346..359 mm kus), vähemba vilukus-uhokus (78..80 mm kus). Kun keskmäine relätivine nepsuz vajehtase 69..73 % röunoiš tal'vkus-keväz'kus, 75..79 % sulakus-kül'mkus.

== Eläjad ==
Vl 2011 lidnan eläjiden lugu oli 752 993 ristitud. Kaik 5,6 mln ristituid elädas lidnaglomeracijas 3 684 nellikkilometrad pindal (2011), valdkundan nelländez.

Znamasine üläopendusen aluzkund om Kolombon universitet<ref>[http://cmb.ac.lk/ Kolombon universitetan sait (''cmb.ac.lk'').] {{ref-en}}</ref> ({{lang-en|University of Colombo}}, 37,6 tuh. üläopenikoid). Sen paloiden alused oma pandud vl 1870 kut Ceilonan medškol (medkolledž vspäi 1880) i vl 1921 kut Ceilonan universitetine kolledž. Om universitetan statusanke vn 1942 heinkuspäi.

== Transport ==
Avtobusad, koumekezraižed avtorikšad i taksikebad oma kundaližeks transportaks lidnas. Koume avtovagzalad oma Bastian Mavath, Keskuzline i Gunasinghapur. Nell' raudtejonod ühtenzoittas ezilidnoidenke. Kaik nell' avtoted lähttas sarehe. Kolombon port om konteineroiden ümbriradandan sija meritel Azijaspäi Evrophasai. Ehtatim ühtenzoitab lidnad Indijan [[Tuttukkudi]]-lidnanke (Tutikorin).

Rahvahidenkeskeine soda- da civiline ''Ratmalan''-lendimport ({{lang-en|Ratmalana International Airport}} vai ''Colombo International Airport, Ratmalana'', {{lang-si|රත්මලාන ජාත්‍යන්තර ගුවන්තොටුපළ}} ''Ratmalāna Džātjantara Guvantoṭupaḷa'', {{lang-ta|இரத்மலானை சர்வதேச விமான நிலையம்}}, ''Iratmalāṉai Sarvadesa Vimāṉa Nilaijam'', ''RML / VCCC'') sijadase 15 km suvhe lidnan keskuzpalaspäi.

== Homaičendad ==
<references />

== Irdkosketused ==
* [http://www.colombo.mc.gov.lk/ Lidnan oficialine sait (''colombo.mc.gov.lk'').] {{ref-en}} {{ref-si}} {{ref-ta}} <small>''(+ äikel'ne avtomatine känduz)''</small>
{{Commons|Category:Colombo}}

[[Kategorii:Kolombo| ]]
[[Kategorii:Šrilankan lidnad]]
[[Kategorii:Eländpunktad kirjamišton mödhe]]
[[Kategorii:Päivlaskmaine agj (Šrilank)|*]]