Kacu tekst Lahdenpohj

{{Eländpunkt
 | Nimi = Lahdenpohj<br />Лахденпохья <small>(ven.)</small><br />Lahdenpohja <small>(suom.)</small>
 | Lidnanznam = Coat of Arms of Lahdenpohja (Karelia).png
 | Flag = 
 | Lidnanznam text = Lahdenpohjan lidnanznam
 | Flag text = 
 | Valdkund = Venäma
 | Eläjiden lugu = 5,855
 | Voz' = 2023
 | Pind = 9
 | Fail = Lakhdenpokhya - Lahdenpohja - 4.jpg
 | Pämez' = Mubariz Kazim Oglu Kazimov<br/>(reduku 2019—,<br/>''Мубариз Казым Оглу Казымов'')
 | Telefonkod = +7-81450-xx-xxx
 | Avtokod = 10
 | Aigvö = [[UTC]]+3 (MSK+0)
}}
'''Lahdenpohj''' ({{lang-ru|Лахденпо́хья}} vai ''Ла́хденпохья'', {{lang-fi|Lahdenpohja}}) om [[Venäma]]n lidn da lidnankund [[Karjalan Tazovaldkund]]an suvipäivlaskmas. Se om [[Lahdenpohjan rajon]]an administrativine keskuz (vozil 1945−1958 i vspäi 1970) da üks'jäine lidn.

== Istorii ==
Vl 1812 eländpunkt kuti Viipurin gubernijan pala oli mülünu [[Suomenman sur' ruhtinazkund|Suomenman surhe ruhtinazkundha]], vspäi 1917 — [[Suomenma]]ha. Edel 1924. vot eländpunkt oli Jakkimankülän palaks ''Sieklahti''-nimenke. Vspäi 1925 zavottihe sauda fanertegint. Lahdenpohj om [[Karjal]]an palaks [[Tal'vsoda]]n jäl'ghe, vspäi 1940. Vl 1945 Lahdenpohj-radnikžilo sai lidnan statusad. Nügüd' Jakkimanžilo mülüb Lahdenpohjaha, vastkarin enččele.

Lahdenpohjan sured edheotandad oma [[faner]]an pästandan kombinat<ref>[http://karelianplywood.com/ «Karel'skaja fanera»-edheotandan sait (''karelianplywood.com'').] {{ref-ru}} {{ref-en}}</ref>, leibäntegim, likörantegim.

== Geografijan andmused ==
Lidn sijadase rajonan pohjoižpäivnouzmas, seižub [[Ladog]]anjärven lodehližel randištol, sen 12-kilometrižen Jakimvaran lahten edembaižel randal. Pen' Auranjogi ({{lang-ru|Аурайоки}} 19 km pitte) lankteb Ladogha lidnan territorijal.

Matkad lidnaspäi [[Petroskoi]]hesai om 223 km päivlaskmha orhal vai 289 km avtotedme. Matkad [[Piter]]ihesai om 176 km suvhe orhal vai 231 km A121-avtotedme. Matkad [[Suomenma]]n röunhasai om 25 km lodeheze orhal. Lähembaine lidn om [[Sortaval]] 33 km pohjoižpäivnouzmha orhal vai 42 km avtotedme.

== Tobmuz ==
Lahdenpohj om lidnankundan üks'jäižeks eländpunktaks.

Lidnankundan pämez' om sen Nevondkundan ezimez'. Edeližed lidnankundan pämehed oma Jurii Filimonov (keväz'ku 2017 — reduku 2019) i Irina Kakovka (2014 — keväz'ku 2017). Lidnankundan Administracii om likvidiruidud vn 2021 sulakus, rajonan administracii tegeb sen velgusidme. Lidnan Administracijan jäl'gmäine pämez' om Ramiz Kazimov (''Рамиз Казымов'', uhoku 2017 — uhoku 2021).

== Eläjad ==
Vl 1959 lidnan eläjiden lugu oli 7 787 ristitud. Vn 2010 kaiken Venäman rahvahanlugemižen mödhe lidnan eläjiden lugu oli 7 813 ristitud, rajonan ristitišton viž ühesandest, vn 2021 — 5 952 ristitud. Vl 2017 kaik 7 449 ristitud elihe lidnas. Kaikiš suremb lidnan ristitišt oli 10 600 eläjad vl 1996.

[[Ortodoksine hristanuskond|Ortodoksižen hristanuskondan]] koume pühäpertid<ref>[http://sobory.ru/geo/locat/2894 Lahdenpohjan pühäpertid ''sobory.ru''-saital.] {{ref-ru}}</ref> oma avaitud lidnas: Ill'a-endustajan jumalanpert' (letihe vll 1997−2005), ph. Valentin-moknikan časoun' (vspäi 2004), ph. Jurgii-vägestusenkandajan časoun' (om saudud vodele 2003 vai aigemba). Vozil 1850−1977 [[lüteranižuz|lüteranine]] jumalanpert' oli Jakkim-žilon territorijal, se pühäpert' mülüti koumed tuhad ristituid, paloi, jändused oma kaičenus.

Lapsiden opendusen aluzkundad oma koume päivkodid, keskškol, lapsiden sädamižen keskuz, muzikškol, čomamahtoine škol, sportškol. Sortavalan kolledžan palakund Lahdenpohj-lidnas<ref>[http://sk-karelia.ru/official/7000/ Palakund Lahdenpohj-lidnas Sortavalan kolledžan ''sk-karelia.ru''-saital.] {{ref-ru}}</ref> om lidnan professionaližen opendusen aluzkundaks.

== Transport ==
Üks'jäine avtobusmaršrut ühtenzoitab ''Jakkim''-stancijad ''Huuhkanmäki''-seižutezpunktanke. Avtobusad ajeltas [[Sortaval]]hasai, [[Petroskoi]]hesai i [[Piter]]ihesai.

''Jakkim''-raudtestancii ({{lang-ru|Яккима}}, avaitihe vl 1893) om «[[Piter]] — [[Sojärv]]»-raudtekeskustal. Venehstancii radab lidnan randal kezaaigan.

== Galerei ==
<gallery mode="packed" heights="125px">
Lakhdenpokhya School 007 3260.jpg|Lapsiden sädamižen keskuz (2019)
LahdenpohjaChurch.jpg|Ph. Valentin-moknikan časoun', vn 2008 nägu
Лахденпохья, штаб Ладожской флотилии зимой.jpg|Rajonan läžundkodi (2020)
210905 Karelia WikiMeetup - Lakhdenpokhya - Chuikin Arena.jpg|Sportkompleks V. Čuikinan nimed (2021)
Ст. Лахденпохья 5.jpg|«Karlen»-adivpert' enččen päraudtestancijan sauvuses vl 2019
</gallery>

== Homaičendad ==
<references />

== Irdkosketused ==
* [http://городлахденпохья.рф/ Lahdenpohjan lidnankundan oficialine sait (''городлахденпохья.рф'').] {{ref-ru}}
{{Commons|Category:Lahdenpohja}}

{{Karjalan Tazovaldkundan lidnad}}

[[Kategorii:Lahdenpohj| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Karjalan Tazovaldkundan lidnad]]
[[Kategorii:Lahdenpohjan rajon|*]]
[[Kategorii:Ladog]]