Kacu tekst Lion

{{10000}}{{A10000}}
{{Eländpunkt
 | Nimi = Lion<br />Lyon
 | Lidnanznam = Coat of Arms of Lyon.svg
 | Flag = Flag of Lyon, France.svg
 | Lidnanznam text = Lionan lidnanznam
 | Flag text = Lionan flag
 | Valdkund = Francii
 | Eläjiden lugu = 522,228
 | Voz' = 2020
 | Pind = 47.87
 | Fail = Lyon-Paysages.jpg
 | Pämez' = Gregori Duse<br/>(heinku 2020—,<br/>''Grégory Doucet'')
 | Telefonkod = +33-4
 | Aigvö = tal'vel [[UTC]]+1,<br />kezal [[UTC]]+2
}}
[[Fail:Géolocalisation Lyon.jpg|thumb|left|250px|Lidnan kart (2012)]]
'''Lion''' ({{lang-fr|Lyon}} [ljɔ̃]) om [[Francii|Francijan]] koumanz' lidn eläjiden lugun mödhe, sijadase sen suvipäivnouzmas. Se om [[Overn' — Ron — Al'pad]]-regionan (vspäi 2016) i [[Lionan metropolii]]-departamentan administrativine keskuz (vspäi 2015), mugažo [[Ronan departament]]an tobmuden aluzkundoiden pordaigaline sijaduz.

Lidn om Francijan tegimišton, kul'turan da opendusen järed keskuz.

== Istorii ==
Eländpunktan aluz om pandud rimalaižil vl 43 edel m.e. kuti Riman ''Lugdun''-kolonii (kel'tan kelel «Lug-jumalan lidnuz» vai «kroikoiden kukkaz», latinankel'ne nimi ''Lugdunum'') [[gallad|galliden]] vanhas torguindsijas.

Vspäi 1420 kaks' jarmankad oleli lidnas kunigahan käskön mödhe, se vei lidnad änikoičendale Italijan torgovanoiden da bankiroiden ühtnendanke. Lion kändihe Francijan da Evropan kirjoiden painmižen znamasižeks keskuseks. 19. voz'sadal pästtihe [[kangaz|šuukkanghid]] lidnha, se oli kaikiš surembaks Evropan keskuseks niiden pästandan mödhe.

Lion šingotase biotehnologijan edheotandoil ([[vakcin]]), kompjuter- i vändprogramiden tehmižel, openduzkeskuseks, turizmal. Neniden kompanijoiden päfaterad sijadasoiš lidnas: «[[Sanofi Pasteur]]», «[[Renault Trucks]]», «[[Iveco Bus]]», [[Euronews]], rahvahidenkeskeine [[Interpol]]-agentuz. Himižen tegimišton edheotandoiden koncentracii om suvhe Lionaspäi. Koume atomelektrostancijad oma 50 kilometras lidnaspäi: Büže, Krei-Mal'vil' i Sent-Al'ban.

== Geografijan andmused ==
Lidn sijadase Ronan alangištos, [[Ronanjogi|Ronanjogen]] i Sonanjogen ühthejoksmusen sijas, 162..305 m korktusil, 174 m ü.m.t. keskmäižel korktusel. Koume kukhad oma läz: Furvjer (299 m), Krua-Russ (250 m) i Düšer.

Klimat om [[subtropine vö|subtropine]] kontinentaline, [[Keskmeri|Keskmeren]] valatoitusenke. Kezaaig om päivoikaz, tal'v om pil'vekaz. Voden keskmäine lämuz om +13 C°, kezakun-elokun +20,3..+22,6 C°, tal'vkun-uhokun +4,1..+5,2 C°. Ekstremumad oma −24,6 C° (tal'vku) i +41,4 C° (eloku). Kezaaigan minimum om +2,3 C° (kezaku), tal'vaigan maksimum om +21,9 C° (uhoku). Ei voi panda halad sügüz'kus. Paneb sadegid 821 mm vodes, enamba semendkus (81 mm) i sügüz'kus-kül'mkus (83..100 mm kus), vähemba uhokus (42 mm).

== Tobmuz ==
[[Fail:Lyon et ses arrondissements map-numbers.png|thumb|left|250px|Lionan ümbrikod (2015)]]
Lion jagase ühesaks ümbrikoks ({{lang-fr|arrondissement}}).

Edeližed lidnan pämehed: Žerar Kollon (''Gérard Collomb'', 2001−2017, kül'mku 2018 — heinku 2020, koli vl 2023), Žorž Kepenekän (''Georges Képénékian'', heinku 2017 — kül'mku 2018).

== Eläjad ==
Vn 2011 Francijan rahvahanlugemižen mödhe lidnan eläjiden lugu oli 491 268 ristitud, heišpäi seičemendez om sündnu kontinentaližen Francijan irdpolel. Kaik 513 275 eläjad oli lidnas vn 2016 augotišes. Kaikiš suremb lidnan ristitišt oli 579 tuh. eläjid vl 1931. Läz 2,3 mln ristituid elihe lidnaglomeracijas ({{lang-fr|Grand Lyon}}) 4605,8 km² pindal vl 2020 (i vl 2016).

Lidnas om koume publišt universitetad (Lion 1 Klod Bernaran nimed<ref>[http://univ-lyon1.fr/ Lion 1-universitetan Klod Bernaran nimed sait (''univ-lyon1.fr'').] {{ref-fr}} {{ref-en}} {{ref-es}}</ref>, Lion 2 Lümjeran nimed, Lion 3 Žan Mulenan nimed) 100 tuhanke üläopenikoid kaikiš niiš, privatine Lionan katoline universitet<ref>[http://ucly.fr/ Lionan katoližen universitetan sait (''ucly.fr'').] {{ref-fr}} {{ref-en}}</ref> ({{lang-fr|Institut Catholique de Lyon}}, alusenpanend 1875, 11,5 tuh. üläopenikoid), 33 tošt professionaližen opendusen aluzkundad.

== Transport ==
Avtobusad, tramvaid, trolleibusad, velosipedoiden kortomverk oma kundaližeks transportaks lidnas. Vspäi 1978 metropoliten radab lidnas (nell' jonod, 40 stancijad, 32 km raudted vl 2017). Kaik kuz' päraudtestancijad ratas lidnas da sen ümbrištos. «[[TGV]]»-kiruhjonused ajadas vspäi 1981 [[Pariž]]hasai, vspäi 2001 [[Marsel'|Marselihesai]], projektiruidas teid Italijha.

Rahvahidenkeskeine civiline ''Lion''-lendimport [[Sent-Ekzüperi]]n nimed<ref>[http://lyonairport.org/ Rahvahidenkeskeižen Lion-lendimportan sait (''lyonairport.org'').] {{ref-en}}</ref> (''LYS / LFLL'', {{lang-fr|Lyon Saint-Exupéry}}, 11,7 mln passažiroid vl 2019) sijadase 25 km päivnouzmha lidnan keskusespäi. Sišpäi tehtas matknikoiden da jügureisid kaiked Evropadme i [[Kanad]]hasai.

== Homaičendad ==
<references />

== Irdkosketused ==
* [http://www.lyon.fr/ Lidnan tobmuden oficialine sait (''lyon.fr'').] {{ref-fr}}
{{Commons|Lyon}}

[[Kategorii:Lion| ]]
[[Kategorii:Francijan lidnad]]
[[Kategorii:Eländpunktad kirjamišton mödhe]]
[[Kategorii:Overn' — Ron — Al'pad|*]]