Lukasižed uzištused

Lukasižed uzištused
The Onion Movie

Režissör	Mark Maguair Tom Kunc
Prodüser	Devid Cuker
Scenarii	Todd Henson Robert Sigal
Aktörad	Len Kariu Larissa Laskin Skott Kleis Stiven Sigal Sara Makelligott
Muzikankirjutai	Asche & Spencer
Operator	Mariza Al'berti
Montaž	Mark Sanders
Žanr	kinokomedii
Kompanii	Regency Enterprises
Studii	3 Arts Entertainment
Voz'	2008
Piduz	80 minutad
Valdkund	AÜV AÜV
Kel'	anglijan
Büdžet	tundmatoi
Salhed	tundmatomad
Röunatuz igäs	16+
IMDb	ID 0392878

«Lukasižed uzištused» (angl.: The Onion Movie; ven.: Луковые новости) om amerikaižen satirižen «The Onion News»-kompanijan kinokomedii. Se parodiruib amerikaižen kundan tendencijoid.

Fil'm om kuvatadud vl 2003, om ezitadud vl 2008 kuti direct-to-video da om pästtud DVD-diskoihe kahtenke kelenke — anglijan kel' da venäkel'.

Kinotarin

Norm Arčer, TV-uzištusiden vedai, sanub uzištusid, sil aigal kacujad kuludas händast. Nece süžetan pird mäneb ühten aigan uzištusiden süžetoidenke (Dana Dobbs da Kip Kendall-korrespondentad). Starinoittas arabižiš terroristoiš. Nene terroristad lugedas amerikašt televizijad amoraližikš da etimatomaks, no peitos lanktas hengidushe toračuišpäi (Kok Pančer) da poleks pall'astoittud čomiš neiččišpäi (Melissa Čerri). Aigtegoiden mänendan mödhe reportažiden ühtnijad da süžetan päpird vasttase. Fil'man lopus amoraližen torafil'man vägimez', igähižen rahvahan ezitajad (perulaižed) da poleks pall'astoitud čoma neižne abutadas päzutamha Amerikad terroristoišpäi. Sen ližaks om äi pandud südäimehe kuvatadud ilostarinoid, om parodii-ki kinon arvostelijoihe.

Rolid

• Norm Arčer, TV-uzištusiden vedai — Len Kariu
• Dana Dobbs-korrespondent — Larissa Laskin
• Kip Kendall-korrespondent — Skott Kleis
• Kokpančer, torač ühtennimižes fil'mas — Stiven Sigal
• Melissa Čerri-pajatai — Sara Makelligot
• Tim-vigger — Brendan Fletčer
• Ahmed-terrorist — Ahmed Ahmed
• Seinik-ühtnendan ezitai — Deniel De Kim

Irdkosketused

• Fil'man treiler Youtube.com-saital. (angl.)