Kacu tekst Nägan'

{{Eländpunkt
 | Nimi = Nägan'<br />Нягань
 | Lidnanznam = Coat of arms of Nyagan.png
 | Flag =
 | Lidnanznam text = Näganin lidnanznam
 | Flag text =
 | Valdkund = Venäma
 | Eläjiden lugu = 58,733
 | Voz' = 2021
 | Pind = 50
 | Fail = Nyagan 1 mkr.jpg
 | Pämez' = Ivan Jamašev<br/>(kül'mku 2016—)
 | Telefonkod = +7-34672-xx-xxx
 | Avtokod = 86. 186
 | Aigvö = [[UTC]]+5 ([[MSK]]+2)
}}
'''Nägan' ''' ({{lang-ru|Ня́гань}}, {{lang-tt|Нягань}}) om [[Venäma]]n lidn da lidnümbrik [[Hantin da Mansin avtonomine ümbrik|Hantin da Mansin avtonomižen ümbrikon]] päivlaskmas. Om ümbärtud [[Oktäbr'skojen rajon (Hantin da Mansin avtonomine ümbrik)|Oktäbr'skojen rajonan]] territorijal.

== Istorii ==
Ezmäižed kaikenaigaižed eläjad mainitadas niiš tahoiš 19. voz'sadan lopus.

Eländpunktan aluz om pandud vl 1965 kuti ''Näh''-žilo varhapanemha mecad. Vodele 1967 saudihe raudted [[Ivdel'|Ivdelišpäi]] (Sverdlovskan agj) žilhosai, ezmäine jonuz tuli, ''Nägan'''-raudtestancii radab lidnan päivlaskmaižes palas. Vl 1978 sädihe «Krasnoleninskneftegazgeologija»-tedištelendekspedicijan, i pigai löutihe [[kivivoi]]d žilon ümbrištos. Vl 1985 žilo sai lidnan statusad nügüdläiženke nimitusenke, udesnimitihe raudtestancijan mödhe.

Nägan' šingotase kivivoin da sen gazan samižel (6 mln tonnoid i 1,5 mlrd m³ vl 2015, «PN-Nägan'neftegaz» om «[[Rosneft']]»-kompanijan palaks), kivivoinümbriradajal tegimel, Näganin GRES:al, kivivoin gazan ümbriradmižel, irgän [[kvarc]]an edheotandal, mecan varhapanendal da ümbriradmižel brusha.

== Geografijan andmused ==
Lidn sijadase Nägin'jugan-jogen hural randal ({{lang-ru|Нягыньюган}} 120 km pitte, [[Ob'|Obin]] hura ližajogi), 40 m ü.m.t. keskmäižel korktusel. Matkad [[Hanti-Mansiisk]]hasai om 228 km suvipäivnouzmha orhal vai 288 km avtotedme. Lähembaižed lidnad oma [[Sovetskii (Hantin da Mansin avtonomine ümbrik)|Sovetskii]] 131 km suvipäivlaskmha orhal vai raudtel, 262 km avtotedme i sen lähine [[Jugorsk]] kümnes kilometras edemba. Regionaline Nägan'-lendimport (''NYA / НЯГ'', 14,2 tuh. passažiroid vl 2017) om saudud kümnes kilometras suvipäivnouzmha lidnan röunaspäi, tehtas aterjreisid i letas ümbrikodme.

Klimat om kontinentaline. Voden keskmäine lämuz om −1,4 C°, heinkun +17,3 C°, vilukun −23,1 C°.

== Tobmuz ==
Nägan' om lidnümbrikon üks'jäižeks eländpunktaks. Lidnümbrikon pind — 814 km².

Lidnümbrikon tobmuden pämez' om sen Administracijan pämez'. Edeline Administracijan pämez' om Rimma Dakukina, radoi edel vn 2016 kül'mkud. Lidnan Duman ezimez' om Vasilii Merkulov vn 2021 redukuspäi. Edeline Duman ezimez' om Miläuša Tatarinova (reduku 2016 — reduku 2021).

== Eläjad ==
Vn 2010 kaiken Venäman rahvahanlugemižen mödhe lidnan eläjiden lugu oli 54 890 ristitud. Kaikiš suremb lidnan ristitišt oli 60 700 eläjad vl 1996.

Rahvahad (enamba 0,8 % vl 2010): [[venälaižed]] — 67,5 %, [[totarlaižed]] — 7,1 %, [[ukrainalaižed]] — 5,0 %, [[baškiralaižed]] — 2,1 %, [[azerbaidžanlaižed]] — 1,7 %, [[uzbekad]] — 1,5 %, [[kirgizlaižed]] — 0,9 %, [[vaugedvenälaižed]] — 0,9 %, [[čuvašalaižed]] — 0,8 %, [[kumikad]] — 0,8 %, toižed rahvahad — 6,9 %, rahvahuden ozutandata — 4,8 %.

[[Ortodoksine hristanuskond|Ortodoksižen hristanuskondan]] ph. Aleksii Moskvalaižen päjumalanpert'<ref>[http://sobory.ru/geo/locat/10142 Näganin pühäpertid ''sobory.ru''-saital.] {{ref-ru}}</ref> om saudud lidnha vll 1993−2004. [[Islam]]an mečet' om avaitud.

Professionaližen opendusen aluzkundad: Näganin tehnologine kolledž<ref>[http://nyagtk.ru/ Näganin tehnologižen kolledžan sait (''nyagtk.ru'').] {{ref-ru}}</ref>, Uralan politehnižen kolledžan filial<ref>[http://упк-нягань.рф/ Uralan politehnižen kolledžan Näganin filialan sait (''упк-нягань.рф'').] {{ref-ru}}</ref> (Jekaterinburg), Uralan tegimištoliž-ekonomižen tehnikuman filial (Jekaterinburg) i [[Žirnovsk]]an kivivoitehnikuman filial.

== Galerei ==
<gallery mode="packed" heights="125px">
ТНК-Нягань-Южный-2006.png|«TNK-Nägan'»-edheotandan puhtastimed i tavarpark vl 2006 (Talinkan kivivoin löudmižsijaspäi)
Няганская ГРЭС.jpg|Näganin GRES vl 2013
Nyagan mkr2 21.jpg|Kahtendes mikrorajonas (2008)
Coat of Arms of Nyagan (Khanty-Mansia).png|Edeline lidnanznam (2006)
</gallery>
[[Fail:Панорама центра города.jpg|thumb|center|1000px|<center>Lidnan keskuzpalan ühthine nägu vn 2015 31. päiväl semendkud</center>]]

== Homaičendad ==
<references />

== Irdkosketused ==
* [http://www.admnyagan.ru/ Lidnan tobmuden aluzkundoiden oficialine sait (''admnyagan.ru'').] {{ref-ru}}
{{Commons|Category:Nyagan}}

{{Hantin da Mansin avtonomižen ümbrikon lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Hantin da Mansin avtonomižen ümbrikon lidnad]]
[[Kategorii:Hantin da Mansin avtonomižen ümbrikon lidnümbrikod]]