Kacu tekst Port-o-Prens

{{10000}}{{A10000}}
{{Eländpunkt
 | Nimi = Port-o-Prens<br />Port-au-Prince <small>(franc.)</small><br />Pòtoprens <small>(hait.)</small>
 | Lidnanznam = 
 | Flag = 
 | Lidnanznam text = 
 | Flag text = 
 | Valdkund = Haiti
 | Eläjiden lugu = 987,310
 | Voz' = 2015
 | Pind = 36.04
 | Fail = Port au prince-haiti.JPG
 | Pämez' = Ral'f Juri Hevri<br />(viluku 2010—)
 | Telefonkod = +509
 | Aigvö = [[UTC]]−5
}}
'''Port-o-Prens''' ({{lang-fr|Port-au-Prince}} «„Princ“-laivan port», {{lang-ht|Pòtoprens}}) om [[Haiti]]n pälidn da kaikiš suremb lidn. Se om valdkundan tegimišton keskuz. Kaik valdkundan üläopendusen aluzkundad sijadasoiš täs.

== Istorii ==
Eländpunktan aluz om pandud vl 1749, oli kolonijan pälidnaks vspäi 1770.

Lidn eli läbi lujas manrehkaiduses vn 2010 12. päiväl vilukud (7 magnitudanke), enamba 200 tuh. eläjid pölištuiba, Port-o-Prens ezilidnoidenke oliba pandud mantazole läz täuzin.

== Geografijan andmused ==
Lidn sijadase [[Kariban meri|Kariban meren]] Gonav-lahten ühtennimižen merikaran sättujal laivištole randal, 98 m keskmäižel korktusel valdmeren pindan päl. Kommertine keskuz om mererandal, eländfartalad ülenudas vastmägehe amfiteatral. Lidn alištub meritorokoile, sur'vezile i reduvaluile. Elokaz Petionvill'-ezilidn om saudud suvipäivnouzmas kukhiden pautkil.

Klimat om tropine passatine. Päivän lämuz om +25..+28 C° vodes läbi. Paneb sadegid 1350 mm vodes, oleskeleb vihmsezonoid sulakus-kezakus i sügüz'kus-kül'mkus.

== Eläjad da transport ==
Vl 2009 lidnan eläjiden lugu oli 897 859 ristitud, ezilidnoidenke 2,3 mln ristituid. Vl 2015 2,6 mln eläjid oli 158,5 km² pindal, valdkundan nelländez. Eläjiden ühesa kümnendest oma afrikalaižed, 9% — mulatad.

Kebnavtod konor'anke i «tap-tap»-taksid oma kundaližeks transportaks lidnas. Meriport radab, saharan da kofen eksport. Rahvahidenkeskeine civiline Tussen-Luvertüran nimel nimitadud lendimport (''PAP'') sijadase Port-o-Prensan pohjoižes, tehtas reisid Kariban meren maihe, Majamihe, Monrealihe i Parižha.

== Homaičendad ==
<references />

{{Commons|Port-au-Prince}}

{{Pohjoižamerikan pälidnad}}

[[Kategorii:Port-o-Prens| ]]
[[Kategorii:Haitin lidnad]]
[[Kategorii:Eländpunktad kirjamišton mödhe]]
[[Kategorii:Haiti|*]]
[[Kategorii:Pälidnad]]