Kacu tekst Prai

{{10000}}
{{Eländpunkt
 | Nimi = Prai<br />Praia
 | Lidnanznam = Coat of Arms of Praia.png
 | Flag = Flag of Praia.svg
 | Lidnanznam text = Prajan lidnanznam
 | Flag text = Prajan flag
 | Valdkund = Kabo Verde
 | Eläjiden lugu = 159,050
 | Voz' = 2017
 | Pind = 102.6
 | Fail = Praia montage.jpg
 | Pämez' = Fransisko Karval'ju<br/>(sulaku 2020—,<br/>''Francisco Carvalho'')
 | Telefonkod = +238
 | Aigvö = [[UTC]]−1
}}
'''Prai''' ({{lang-pt|Praia}} [ˈpɾajɐ] «kül'bendrand») om [[Kabo Verde]]n pälidn da kaikiš suremb lidn, [[Atlantine valdmeri|Atlantižen valdmeren]] port (kahtenz' surtte valdkundas).

== Istorii ==
Eländpunktan aluz om pandud ülüdel sättujanno merikaranno 16. voz'sadal, kalanpüdajiden ''Praia de Santa Maria''-külä mainitase vl 1516. Sirtihe sariden keskust sihe vl 1770. Porto-Prai sai lidnan statusad oficialižešti vl 1858. Kätihe ripmatoman valdkundan pälidnaks vn 1975 heinkus.

Prai šingotase kalan püdandal i ümbriradmižel, sauvondmaterialiden tehmižel (raudbeton, keramik), meblin pästandal, rahvahanpramozlan edheotandoil, turizmal i bankoil, mugažo omblendtegmištol.

== Geografijan andmused ==
[[Fail:Praia county, Cape Verde.png|thumb|left|250px|Prajan municipalitetan sijaduz valdkundan kartal (2007)]]
Lidn sijadase Santjagu-saren suvipäivnouzmaižel randal, 1 m ü.m.t. keskmäižel korktusel. Istorine Plato-keskuz om saudud ülüdel.

Klimat om [[tropikad|tropine]] kaks'sezonine kuiv päivoikaz. Voden keskmäine lämuz om +25,1 C°, kuidme +22,9..+27,2 C°. Ekstremumad oma +16,2 C° (uhoku) i +36,2 C° (sügüz'ku). Paneb sadegid 172 mm vodes, enamba elokus-sügüz'kus (60..61 mm kus), hätk kuiv sezon jätktase ühesa kud (kül'mkuspäi heinkuhusai, 20 mm pordos). Kun keskmäine relätivine nepsuz vajehtase 73..77 % röunoiš heinkus-redukus, 63..70 % toižiš kuiš.

== Eläjad ==
Vl 2010 lidnan eläjiden lugu oli 130 271 ristitud, valdkundan nelländez i saren pol'. Kaikiš suremb lidnan ristitišt om nügüd'.

Religijan mödhe nell' eläjad videspäi om [[katoline jumalankodikund|katolikad]], toižed uskojad oma hristanuskondan toižiden jumalankodikundoiden i [[islam]]an polenpidajad.

Kaik koume universitetad i kaks' üläinstitutad anttas professionališt opendust. Kabo Verden universitet<ref>[http://www.unicv.edu.cv/ Kabo Verden universitetan sait (''unicv.edu.cv'').] {{ref-pt}} {{ref-en}}</ref> ({{lang-pt|Universidade de Cabo Verde, Uni-CV}}, viž tuhad üläopenikoid) om üks'jäine valdkundaline, sen aluz om pandud vn 2006 kül'mkus koumen institutan ühtištusel. Kaik nell' fakul'tetad i kaks' školad ratas siš.

== Transport ==
Avtobusad oma kundaližeks transportaks lidnas. Taksid ühtenzoittas saren toižidenke eländpunktoidenke. Meriportan eksport om apel'sinad, sahar i kofe.

Rahvahidenkeskeine civiline ''Prai''-lendimport [[Nel'son Mandela]]n nimed<ref>[https://www.vinci-airports.cv/aeroporto_asa/aeroporto-internacional-nelson-mandela/ Rahvahidenkeskeine Prai-lendimport ''vinci-airports.cv''-saital.] {{ref-pt}}</ref> (''RAI / GVNP'', 662 tuh. matknikoid vl 2017) sijadase koumes kilometras pohjoižpäivnouzmha lidnan keskusespäi. Tehtas reisid [[Lissabon]]ha, [[Pariž]]ha i [[Kasablank]]ha, Afrikan lähižihe pälidnoihe, mugažo Kabo Verden tahoiže.

== Galerei ==
<gallery mode="packed" heights="125px">
Praia Cityhall.jpg|Lidnan tobmuden sauvuz (2010)
Nossa Senhora da Graça.jpg|Lidnan katoližen tulendan pühäpert' ({{lang-pt|Nossa Senhora da Graça}}, Jumalanmaman blagodatin), vn 2008 nägu
Farol D. Maria Pia-2.jpg|''Donja Maria Pia''-majak ozutab tulendad Prajan meriportha vl 2009
Praia 294A3394 University of Cape Verde.jpg|Kabo Verden universitet (2021)
Praia International Airport.jpg|Rahvahidenkeskeižen ''Prai''-lendimportan terminal vl 2008
Praia Harbor.jpg|Prajan port merikaranno vl 2007
</gallery>

== Homaičendad ==
<references />

== Irdkosketused ==
* [http://www.cmpraia.cv/ Lidnan municipalitetan oficialine sait (''cmpraia.cv'').] {{ref-pt}}
{{Commons|Category:Praia (Cape Verde)}}

{{Afrikan pälidnad}}

[[Kategorii:Prai| ]]
[[Kategorii:Kabo Verden lidnad]]
[[Kategorii:Eländpunktad kirjamišton mödhe]]
[[Kategorii:Kabo Verde|*]]
[[Kategorii:Pälidnad]]