Kacu tekst Sent Pol (lidn, Minnesot, AÜV)

{{Eländpunkt
 | Nimi = Sent Pol<br />Saint Paul
 | Lidnanznam = Seal of Saint Paul, Minnesota.gif
 | Flag = Flag of Saint Paul, Minnesota.svg
 | Lidnanznam text = Sent Polan lidnanznam (Minnesot)
 | Flag text = Sent Polan flag (Minnesot)
 | Valdkund = Amerikan Ühtenzoittud Valdkundad
 | Eläjiden lugu = 311,527
 | Voz' = 2020
 | Pind = 145.31
 | Fail = TE-Collage Saint Paul.png
 | Pämez' = Melvin Karter<br/>(viluku 2018—,<br/>''Melvin Carter'')
 | Telefonkod = +1-651
 | Aigvö = tal'vel [[UTC]]-6,<br/>kezal [[UTC]]-5
}}
[[Fail:Saint Paul neighborhoods.png|thumb|left|250px|Lidnan neiborhudad (2016)]]
'''Sent Pol''' ({{lang-en|Saint Paul}} [ˌseɪnt ˈpɔːl], lüh. angl. ''St. Paul'') om [[Amerikan Ühtenzoittud Valdkundad|AÜV:oiden]] lidn, [[Minnesot]]-štatan pälidn sen alusenpanendan aigaspäi (kuti territorii — vspäi 1849), sen kahtenz' surtte lidn.

Lidn om punümbriradmižen da himižen tegimišton keskuz, mugažo järedan maižanduzrajonan keskuz.

== Istorii ==
Vl 1805 amerikaižen armijan Zebulon Paik-oficer osti tarh 400 km² pindal [[indejalaižed|indejalaižil]] Mississipi-jogen molembil randoil sauvomha fortad. Vl 1819 Snelling-lidnuz oli saudud. Sid' pagenijad Francižes Kanadaspäi zavottihe sirtas sihe. Vl 1841 Lüsjen Gal'ter-pap' Kvebekaspäi sauvoi časounäd [[Pauloi-apostol|ph. Pauloin]] nimed. Časounän mödhe žilod udesnimitihe-ki. Sent Pol-žilo sai lidnan oficiališt statusad vn 1854 keväz'kun 4. päiväl, sil-žo vodel kapitolii oli saudud.

1860-nzil vozil Sent Pol oli röunaks civilizuidud Amerikan Päivnouzman da [[Amerikan Mecpäivlaskmpol'|Mecpäivlaskmpolen]] keskes.

Sent Pol šingotase holitišiden sferal, mail'man [[3M]]-korporacijan (materialad) i [[Ecolab]]-kompanijan (kodihimii) päfaterad sijadasoiš lidnas. Vll 1924−2011 Ford-kompanijan avtotegim radoi lidnas, privatine individualine pertišt om saudud sen sijas.

== Geografijan andmused ==
Lidn sijadase štatan päivnouzmas. Se seižub jogiden da järviden keskes, 251 m ü.m.t. keskmäižel korktusel. Sent Pol sijadase [[Mississipi]]-jogen hural randal, sen ühthejoksmusenno [[Minnesot (jogi)|Minnesot]]-jogenke. Minnesotan kaikiš suremb [[Minneapolis]]-lidn levitase päivlaskmha štatan pälidnaspäi. Sent Polan ühthine pind om 145,31 km², sidä kesken kuivma 134,61 km², vezi otab 10,7 nellikkilometrad.

Klimat om kontinentaline. Kaks'jaižiden-lidnoiden aglomeracii om kaikiš vilumb sija AÜV:oiden aglomeracijoiden keskes enamba mi 500 tuh. eläjidenke. Vodenkeskeine lämuz om +8,1 C°, kezakun-elokun keskmäine lämuz om +20,4..+22,9 C°, tal'vkun-uhokun −5,7..−8,7 C°. Ekstremumad oma −41 C° (viluku) i +40 C° (heinku, eloku). Kezaaigan minimum om +1 C° (kezaku), tal'vaigan maksimum om +18 C° (uhoku). Paneb sadegid 742 mm vodes, keza om vihmakaz (101..118 mm semendkus-elokus), tal'v om kuiv (12..17 mm tal'vkus-uhokus).

== Tobmuz ==
Sent Pol jagase 17 administrativižeks ümbrikoks ({{lang-en|planning district}}), vai 15 istorižeks lidnanlaptaks (angl. ''neighborhood'').

Edeline lidnan pämez' (mer) om Kris Koulmen (''Chris Coleman'', viluku 2006 — viluku 2018).

== Eläjad ==
Kaik 297 640 eläjad oli lidnas vl 2014. Kaikiš suremb lidnan ristitišt oli 310..313 tuhad eläjid vll 1950−1970 (313 411 ristitud vl 1960) i om nügüd'.

Augotižlibundan mödhe (2020): evropalaižed — 48,8 % (ispanijalaižita), azijalaižed — 19,2 %, afroamerikalaižed — 16,5 %, latinoamerikalaižed i ispanijalaižed — 9,7 %, [[indejalaižed]] — 1,0 %, toižen augotižlibundan — 4,8 %, segoitadud augotižlibundanke — 7,6 %. Evropižen augotižlibundan keskes (2007): [[saksalaižed]] — 26,4 %, [[irlandijalaižed]] — 13,8 %, [[norvegijalaižed]] — 8,4 %, [[ročilaižed]] — 7,0 %, [[anglijalaižed]] — 6,2 %.

Lidn om konurbacijas [[Minneapolis]]anke, ned ühtes oma tetabad kuti «kaks'jaižed-lidnad» ({{lang-en|Twin cities}}). Niiden aglomeracii otab kudendentoštkümnenden sijan AÜV:oiš ristitišton lugun mödhe (3,4 mln vl 2014).

== Transport ==
Avtobusad da kiruhlidnelektrojonused oma kundaližeks transportaks lidnan südäimes.

Rahvahidenkeskeine soda- da civiline «Minneapolis/Sent Pol»-lendimport<ref>[http://mspairport.com/ Rahvahidenkeskeižen Minneapolis — Sent Pol-lendimportan sait (''mspairport.com'').] {{ref-en}} {{ref-de}} {{ref-hi}} {{ref-it}} {{ref-es}} {{ref-zh}}</ref> (''MSP / KMSP'', 39,5 mln passažiroid vl 2019) sijadase 16 kilometras suvipäivlaskmha lidnan keskusespäi. Sišpäi tehtas reisid [[Kanad]]ha, [[Meksik]]ha, [[Japonii|Japonijha]] da [[Paivlaskmaine Evrop|Paivlaskmaižen Evropan]] maihe, mugažo AÜV:oidme.

== Homaičendad ==
<references />

== Irdkosketused ==
* [http://stpaul.gov/ Sent Pol-lidnan ohjastusen oficialine portal (''stpaul.gov'').] {{ref-en}} <small>''(+äikel'ne avtomatine känduz)''</small>
{{Commons|Saint Paul, Minnesota}}

[[Kategorii:Sent Pol (Minnesot)| ]]
[[Kategorii:Minnesotan lidnad]]
[[Kategorii:Amerikan Ühtenzoittud Valdkundoiden lidnad]]
[[Kategorii:Eländpunktad kirjamišton mödhe]]
[[Kategorii:Minnesot|*]]