Kacu tekst Sovetsk (Kirovan agj)

{{Eländpunkt
 | Nimi = Sovetsk<br />Советск
 | Lidnanznam = Coat of Arms of Sovetsk (Kirov oblast).png
 | Flag = Flag of Sovetsk (Kirov oblast).png
 | Lidnanznam text = Sovetskan lidnanznam (Kirovan agj)
 | Flag text = Sovetskan flag (Kirovan agj)
 | Valdkund = Venäma
 | Eläjiden lugu = 14,626
 | Voz' = 2021
 | Pind = 26.38
 | Fail = Solominskaya street Kukarka.JPG
 | Pämez' = Valerii Nedopökin<br/>(keväz'ku 2023—)
 | Telefonkod = +7-83375-xx-xxx
 | Avtokod = 43
 | Aigvö = [[UTC]]+3 ([[MSK]]+0)
}}
{{Znamoičendad|Sovetsk}}
'''Sovetsk''' ({{lang-ru|Сове́тск}}, {{lang-mhr|Кукарка}}) om [[Venäma]]n lidn, lidnankund da avtotesol'm [[Kirovan agj]]an suves. Se om [[Sovetskan rajon]]an administrativižeks keskuseks da palaks.

== Istorii ==
Ezmäine kaikenaigaine eländpunkt oli olmas niiš tahoiš 3. voz'sadal EME — 11. voz'sadal m.e., Pižman lidneihut ({{lang-ru|Пижемское городище}}) om löutud kaivandusil kudes kilometras Sovetskaspäi. [[Marilaižed]] paniba Kukark-lidnust nügüd'aigaižen lidnan sijas, i 12. voz'sadal se oli marin Čumbilat-ruhtinasen-vägimehen rezidencijaks. Eländpunkt mainitase ezmäižen kerdan venäkel'žiš purtkiš vl 1594 kuti udes elänzoittud Venäman slabad kaičemha tahondad marilaižid i udmurtalaižid vaste. Carin aigan slabad oli alištunu [[Jaransk]]an makundan tobmudele, no oli elokahamb mi Jaransk. Edel 1918. vot eländpunktan oficialine nimi oli '''Kukark''' ({{lang-ru|Кука́рка}}).

Kätihe lidnaks ezmäižikš vll 1918−1925 nügüdläiženke nimenke. Vspäi 1925 oli ''Sovetskoje''-žiloks ({{lang-ru|село Советское}}). Sai makundan keskusen statusad vl 1929 i oli ''Sovetsk''-žiloks. Vn 1939 sügüz'kul sai lidnan statusad tošti, mülütihe sihe Žernovogorje-žilod, Kahtenden mectegimen žilod i mectehnikumad.

Sovetsk šingotase mecanümbriradmižen kombinatal i penil edheotandoil, sömtegimištol (sömkombinat, lihakombinat, konditerine fabrik), [[sor'mik]]oiden fabrikal i [[kružav]]an pramozlal, mugažo šebnän samižen kaks' kar'jerad ratas läz lidnad.

== Geografijan andmused ==
Lidn sijadase rajonan keskuzpalas, Nemd- (162 km, {{lang-ru|Немда}}) i Pižm- (305 km pitte, {{lang-mhr|Пижме}}) jogiden oiktal randal tobjimalaz, 120 m ü.m.t. keskmäižel korktusel. Pižm lankteb [[Vätk (jogi)|Vätkha]] oiktalpäi nelläs kilometras päivnouzmha. Kukark-jogi (läz kahesad kilometrad pitte, {{lang-ru|Кука́рка}}) läbitab lidnan päivnouzmašt palad i lankteb Pižmha. Kaik kuz' sildad ühtenzoittas jogiden randoid.

Matkad agjan [[Kirov]]-pälidnhasai om 121 km pohjoižpäivnouzmha orhal vai 137 km avtotedme. Lähembaižed lidnad oma [[Jaransk]] (raudtestancijanke) 72 km päivlaskmha-suvipäivlaskmha orhal vai 87 km avtotedme, [[Nolinsk]] 58 km päivnouzmha orhal vai 120 km avtotedme, i [[Uržum]] 82 km suvipäivnouzmha orhal vai 99 km avtotedme.

== Tobmuz ==
Sovetsk om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Edeližed lidnan pämehed oma Vladimir Porubov (sügüz'ku 2020 — eloku 2022), Nikolai Malkov (reduku 2016 — sulaku 2020). Lidnan Duman ezimez' om Galina Južakova vn 2022 redukuspäi. Edeline Duman ezimez' om Sergei Koršunov (uhoku 2019 — reduku 2022).

== Eläjad ==
Vn 2010 Venäman rahvahanlugemižen mödhe lidnan eläjiden lugu oli 16 598 ristitud, rajonan koume videndest, vn 2021 — 14 626 ristitud. Kaik 15 646 eläjad oli lidnas vl 2017. Kaikiš suremb lidnan ristitišt oli 18..19 tuhad eläjid vll 1979−2003 (19 368 rist. vl 1989).

Rahvahad (2002): [[venälaižed]] — 95,3 %, [[marilaižed]] — 1,5 %, toižed rahvahad — 3,2 %.

[[Ortodoksine hristanuskond|Ortodoksižen hristanuskondan]] seičeme pühäpertid<ref>[http://sobory.ru/geo/locat/2094 Sovetskan pühäpertid ''sobory.ru''-saital.] {{ref-ru}}</ref> oma kaičenus i saudud lidnas: nell' jumalanpertid i koume časounäd.

Lapsiden opendusen aluzkundad oma kahesa päivkodid, licei, kaks' keskškolad (nomer 1, 2), aluzškol nomer 4, čomamahtoiden škol, sportškol. Kaik nell' professionaližen opendusen aluzkundad ratas lidnas: Suvodjen mechoz-tehnikum (alusenpanend vl 1896)<ref>[http://slt43.ru/ Suvodjen mechoz-tehnikuman sait (''slt43.ru'').] {{ref-ru}}</ref>, Sovetskan tegimišton i rahvahanpramozloiden tehnikum<ref>[http://pu39admru.ucoz.ru/ Sovetskan tegimišton i rahvahanpramozloiden tehnikuman sait (''pu39admru.ucoz.ru'').] {{ref-ru}}</ref>, Sovetskan industrialiž-pedagogine kolledž<ref>[http://ipcsovetsk.ru/ Sovetskan industrialiž-pedagogižen kolledžan sait (''ipcsovetsk.ru'').] {{ref-ru}}</ref>, Kirovan medkolledžan Sovetskan filial (vll 2013−2022 ei olend rados).

== Galerei ==
<gallery mode="packed" heights="125px">
Kukarka museum.jpg|Kodirandantedištandmuzei (2008, Eläban Eziauguižen Stroican päjumalanpertin kaičenus pala)
Ограда кладбища с воротами. Вид со стороны улицы.jpg|Pühän Jumalanmaman Katken jumalanpert', vn 2017 nägu (17. voz'sada, vll 1609−1764 mez'jumalankodi, ortodoksine hristanuskond)
Кукарское кружево.JPG|Kukarkan (Vätkan) kružavan ozutesed vl 2012
Учебный корпус Суводского лесхоза-техникума.jpg|Suvodjen mechoz-tehnikum (2010)
Автовокзал - panoramio - ВОЛКОВ АЛЬБЕР.jpg|Lidnan avtobusstancii vl 2010
Coat of Arms of Sovetsk (Kirov region, 1972).png|Nevondkundaline lidnanznam (1972)
</gallery>

== Homaičendad ==
<references />

== Irdkosketused ==
* [http://admsovetsk.ru/ Lidnankundan oficialine sait (''admsovetsk.ru'').] {{ref-ru}}
{{Commons|Category:Sovetsk, Kirov Oblast}}

{{Kirovan agjan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Kirovan agjan lidnad]]
[[Kategorii:Sovetskan rajon|*]]