Vajehtamine Veber Maks

{{1000}}{{A10000}}
{{Personalii
| изображение = Max Weber 1894.jpg
| описание изображения = Maks Veber vl 1894
}}
'''Maks Veber''' ({{lang-de|Max Weber}}), täuz' nimi om '''Maksimilian Karl Emil' Veber''' ({{lang-de|Maximilian Carl Emil Weber}}; sünd. [[21. sulaku]] [[1864]], [[Erfurt]]-lidn, [[Prussii]] — kol. [[14. kezaku]] [[1920]], [[Münhen]], [[Germanijan imperii]]) oli [[Saksanma|saksalaine]] filosof, sociolog, istorik, jurist da ekonomist.

Lugetas tedomest [[sociologii|sociologijan]] ühteks alusenpanijoišpäi ühtes [[Emil' Dürkgeim]]anke i [[Karl Marks]]anke. Veberan tedomel'hetartusen päobjekt oli ristitkundan vajehtusen processad, sen päličmänend veroližes toižendaspäi nügüd'aigaižele: racionalizacii i sekulärizacii. Opponirui Marksan istorižen materializman koncepcijad i ozuti, miše religijan kul'turine paineg om tärged el'gendamha Päivnouzmman [[kapitalizm]]an ižanduzformad.

== Biografii ==
Veber openuškanzi Geidel'bergan universitetas vl 1882, voden saldatusen jäl'ghe openui Berlinan universitetas i sai juristan arvod. Jätkusti opendust siš, vl 1889 sai juridižen tedodoktoran arvod. Maks nai vl 1893, Marianna Veber (neiččel Šnitger, 1870−1954) oli hänen ak, mugažo tedomez', par ei voind sündutada lapsid i ei olend heid.

Maks Veber radoi universitetan opendajan Berlinas, Fraiburgas i Geidel'bergas vhesai 1899, sid' läžui psihologižikš tatan surman jäl'ghe — rideganzi tatanke, i Maks Veber-vanhemb koli kahtes kus. Tedomez' tervehtihe i oli otnus tedoradmižhe, vl 1907 sai elod jäl'gusen mödhe.

Ezmäižen mail'man sodan aigan Veber oli armijan varaoficeran, organizui läžundkodid Geidel'bergas. Vl 1919 ühtni Veimaran konstitucijan sädamižhe. Tedomez' tartutihe ispanižel [[gripp]]al i koli [[pnevmonii|pnevmonijaspäi]].

== Valitud tedotöd ==
* «[[Protestantine etik i kapitalizman heng]]» ({{lang-de|Die protestantische Ethik und der «Geist» des Kapitalismus}}, 1904−1905)
* «Kitain religii: Konfucijanizm i daosizm» (''Konfuzianismus und Taoismus'', 1915)
* «Indijan religii: Induizman i buddizman sociologii» (''Hinduismus und Buddhismus'', 1916)
* «Amuine judaizm» (''Das antike Judentum'', 1917−1919, ezm. pästand 1921, om vaumitud Marianna-akal)
* «Politik kucmuseks i professijaks» (''Politik als Beruf'', 1919)
* «Ižanduz i ristitkund» (''Wirtschaft und Gesellschaft'', ezm. pästand 1922, om vaumitud Marianna-akal) ([[magnum opus]] — elon päine tö)
* «Ühthine ekonomine istorii» (''Wirtschaftsgeschichte'', ezm. pästand 1923)
* «Valdkundan sociologii» (''Staatssoziologie'', ezm. pästand 1956)

== Homaičendad ==
<references />

{{stub}}
[[Kategorii:Sociologad]]
[[Kategorii:Saksanman filosofad]]
[[Kategorii:Saksanman istorikad]]
[[Kategorii:Saksanman juristad]]
[[Kategorii:Ekonomistad]]
[[Kategorii:Saksanman tedomehed]]
[[Kategorii:Filosofad kirjamišton mödhe]]
[[Kategorii:Istorikad kirjamišton mödhe]]
[[Kategorii:Juristad kirjamišton mödhe]]
[[Kategorii:Tedomehed kirjamišton mödhe]]
[[Kategorii:Personalijad kirjamišton mödhe]]
[[Kategorii:Sündnuded Erfurtha]]
[[Kategorii:Kolnuded Münhenas]]