Kacu tekst Svetlii (Kaliningradan agj)

{{Eländpunkt
 | Nimi = Svetlii<br />Светлый
 | Lidnanznam = Coat of Arms of Svetly (Kaliningrad oblast).png
 | Flag =
 | Lidnanznam text = Svetlijan lidnanznam (Kaliningradan agj)
 | Flag text =
 | Valdkund = Venäma
 | Eläjiden lugu = 21,054
 | Voz' = 2023
 | Pind = 26.35
 | Fail = Svetly 2311.JPG
 | Pämez' = Sergei Bevz<br/>(keväz'ku 2010—)
 | Telefonkod = +7-40152-xx-xxx
 | Avtokod = 39. 91
 | Aigvö = [[UTC]]+2 ([[MSK]]−1)
}}
'''Svetlii''' ({{lang-ru|Све́тлый}}, {{lang-de|Swetly}}, {{lang-lt|Cimerbūdė / Svetlas}}, {{lang-pl|Swietłyj}}; edel 1947. vot ''Cimmerbude'', {{lang-de|Zimmerbude}} «pert'kuluine») om [[Venäma]]n lidn [[Kaliningradan agj]]an päivlaskmas. Se om Svetlijan lidnümbrikon administrativine keskuz.

== Istorii ==
Lidnan sijas zamk oli olmas 15. voz'sadal, no aigan mändes murenzihe i upsi lahtes. Eländpunktan aluz om pandud vl 1640, i Cimmerbude oli kalanpüdajiden peneks küläks 20. voz'sadahasai, alištui sur'vedele joga vodel. Saudud vll 1894−1901 merikanal päzui žilod sur'vezišpäi. [[Toine mail'man soda|Suren sodan]] aigan Rusked Armii anasti lidnad torata vn 1945 sulakus. Udesnimitihe ''Svetloje''-žiloks vl 1947. Vn 1949 elokuspäi oli radnikžiloks. Vn 1955 6. päiväl redukud Svetloje sai lidnan statusad. Aigan mändes ühtištadihe Komsomol'skii-žilonke, enččel Paize-žilo ({{lang-de|Peyse}}) oli kalanpüdajiden peneks küläks mugažo 14. voz'sadaspäi.

Svetlii šingotase laivoiden kohendusel<ref>[http://svsrz.ru/ Svetlijan laivankohendusen tegimen sait (''svsrz.ru'').] {{ref-ru}}</ref> i sömtegimišton edheotandoil (kalanümbriradajad tegimed, lihaproduktad, sojan ümbriradmine), merimetalližkonstrukcijoiden tehmižel<ref>[http://kliveryards.ru/ Svetlii-lidnan Metalližkonstrukcijoiden edheotandan sait (''kliveryards.ru'').] {{ref-ru}} {{ref-en}}</ref> i meriportal vemha kivivoid.

== Geografijan andmused ==
[[Fail:Location of Svetly (Kaliningrad Oblast).svg|thumb|left|250px|Lidnümbrikon sijaduz agjan kartal (2010)]]
Lidn sijadase [[Baltijan meri|Baltijan meren]] Kaliningradan merilaivkanalan randal, viž metrad ü.m.t. keskmäižel korktusel.

Matkad [[Kaliningrad]]an röunhasai om 20 km päivnouzmha kaikil teil. Lähembaižed lidnad oma [[Baltiisk]] 14 km päivlaskmha orhal (lahten kal't) vai 32 km avtotedme, [[Primorsk (Kaliningradan agj)|Primorsk]] kümnes kilometras lodeheze orhal, 15 km raudtedme vai 21 km avtotedme i [[Laduškin]] 10 km suvhe lahten kal't. ''Baltijan Mec''-raudtestancii ({{lang-ru|Балтийский Лес}}) radab vemha jüguid vaiše, se om sarakon «Kaliningrad — Baltiisk»-jonospäi lopstancijaks.

== Tobmuz ==
Kaik kümne žilod mülüdas lidnümbrikho Svetlijan ližaks. Lidnümbrikon pind — 80,23 km².

Lidnümbrikon tobmuden pämez' om sen Deputatoiden nevondkundan ezimez'. Lidnümbrikon Administracijan pämez' om Aleksandr Blinov vn 2015 kül'mkuspäi. Edeline Administracijan pämez' om Sergei Lütarevič, radoi vn 2015 redukuhusai.

== Eläjad ==
Vn 2010 Venäman rahvahanlugemižen mödhe lidnan eläjiden lugu oli 21 375 ristitud, lidnümbrikon — 27 622 ristitud. Vn 2021 rahvahanlugemižen mödhe lidnan ristitišt oli 21 114 eläjad. Lidnan ristitišt vajehtase 21..22 tuh. röunoiš vspäi 1996. Vl 2017 kaik 22 140 ristitud elihe lidnas i 29 049 ristitud kaikes lidnümbrikos, sil aigal lidnan i lidnümbrikon ristitišt oli kaikiš suremb.

Rahvahad (lidnan eläjad, enamba 0,4 % vl 2010, ozutadud rahvahudenke): [[venälaižed]] — 86,5 %, [[vaugedvenälaižed]] — 6,1 %, [[ukrainalaižed]] — 3,2 %, [[litvalaižed]] — 0,6 %, [[totarlaižed]] — 0,5 %, [[saksalaižed]] — 0,5 %, [[azerbaidžanlaižed]] — 0,4 %, toižed rahvahad — 2,2 %.

[[Ortodoksine hristanuskond|Ortodoksižen hristanuskondan]] koume jumalanpertid<ref>[http://sobory.ru/geo/locat/22571 Svetlijan pühäpertid ''sobory.ru''-saital.] {{ref-ru}}</ref> oma avaitud: Pühän Jumalanmaman Blagoveššenjan jumalanpert' (letihe vll 1989−1993), ph. Varvaran jumalanpert' (om saudud vll 1999−2007), ph. Aleksandr Nevalaižen časoun' (vspäi 2013). [[Katoline jumalankodikund|Katoližen jumalankodikundan]] phh. Pauloin da Gleban pühäpert' om saudud lidnas.

Lapsiden opendusen aluzkundad oma severz'-se päivkodid, nell' keskškolad (nomer 1, 3, 5 Svetlijas, nomer 2 Vzmorje-žilos), čomamahtoiden škol, olimpižen varan sportškol (Päivnouzmman üks'borcuindad). Mehatronikan da sömindustrijan kolledž<ref>[http://proftop39.ru/ Svetlii-lidnan Mehatronikan da sömindustrijan kolledžan sait (''proftop39.ru'').] {{ref-ru}}</ref> om lidnan professionaližen opendusen aluzkundaks.

== Galerei ==
<gallery mode="packed" heights="125px">
Svetly 2329.JPG|Lidnümbrikon administracijan sauvuz (2012)
Svetly 2332.JPG|Ph. Varvara-moknikan jumalanpert', vn 2012 nägu
Svetly 2321.JPG|Kaliningradan merikanal i lidnan port vl 2012
Svetly 2315.JPG|Kul'turkeskuz (2012)
Svetly 2331.JPG|«Burevestnik»-torguimižbobuštuzkeskuz (''Toroklind'') vl 2012
</gallery>

== Homaičendad ==
<references />

== Irdkosketused ==
* [http://светлый.рф/ Lidnümbrikon tobmuden aluzkundoiden oficialine sait (''светлый.рф'')] i sen [http://svetlyy.gov39.ru/ versii edel 2023. vot.] {{ref-ru}}
* [http://gov39.ru/vlast/muni/svetlovskiy-gorodskoy-okrug/ Svetlijan lidnümbrik Kaliningradan agjan ohjastusen ''gov39.ru''-saital.] {{ref-ru}}
{{Commons|Category:Svetly, Kaliningrad Oblast}}

{{Kaliningradan agjan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Kaliningradan agjan lidnad]]
[[Kategorii:Kaliningradan agjan lidnümbrikod]]