Kacu tekst Tegusigal'p

{{10000}}{{A10000}}
{{Eländpunkt
 | Nimi = Tegusigal'p<br />Tegucigalpa
 | Lidnanznam = Escudo de Distrito Central.svg
 | Flag = Flag of Tegucigalpa.svg
 | Lidnanznam text = Tegusigal'pan lidnanznam
 | Flag text = Tegusigal'pan flag
 | Valdkund = Gonduras
 | Eläjiden lugu = 1,055,729
 | Voz' = 2013
 | Pind = 201.5
 | Fail = Comayagüela Central Bank Annex.jpg
 | Pämez' = Nasri Asfura<br/>(viluku 2014—)
 | Telefonkod = +504-2
 | Aigvö = [[UTC]]−6
}}
[[Fail:Tegucigalpa Map 7.png|thumb|left|250px|Gondurasan pälidnan ümbrikon kart (2011)]]
'''Tegusigal'p''' ([[ispanijan kel'|ispanijan kelel]]: ''Tegucigalpa'' [teɣusiˈɣalpa] vai [teɣuθiˈɣalpa], lühüd sijaline nimi om ''Téguz'', ''Tegus'', ''Tepaz'') om [[Gonduras]]an pälidn (kaikenaigašti — vspäi 1880) da kaikiš suremb lidn. Sädab pälidnan ümbrikod (Keskuzümbrik). Se om [[Fransisko Morasan (departament)|Fransisko Morasan-departamentan]] administrativižeks keskuseks mugažo, ei mülü sihe.

== Istorii ==
Eländpunktan aluz om pandud [[Ispanii|ispanijalaižil]] vn 1578 29. päiväl sügüz'kud ''Real de Minas de San Migel' de Tegusigal'pa''-nimenke ({{lang-es|Real de Minas de San Miguel de Tegucigalpa}}) indejalaižiden eländpunktan sijas. Hobedan da kuldan samižkaivused oliba keskitadud lidnan ümbrištos. 1930-nziš vozišpäi Komajaguel-ezilidn ({{lang-es|Comayagüela}}) om mülünu Tegusigal'pha.

== Geografijan andmused ==
Lidn tulleitase hüvin, sijadase tazangištol da ezimägištol, Čolutek-jogen (Tünen valdmeren bassein) alangišton randoil 975..1463 m korktusil, 990 metrad valdmeren pindan päl keskmäižel korktusel. Äi pedaimecoid om kaičenus madalil mägil ümbri. Lidnan keskuz i biznesrajon sijadasoiš jogen päivnouzmaižel randal, Komajaguelan (enzne kaimdailidn) rajonad seištas jogen päivlaskmaižel randal.

Klimat om [[tropine vö|tropižen]] savannan kaks'sezonine, päivoikaz, uhokus-sulakus eriližešti. Kun keskmäine lämuz om +19,5..+23,6 C° vodes läbi. Ekstremumad oma +4,5 C° (viluku, keväz'ku) i +36,9 C° (sulaku, semendku, eloku). Paneb 872 mm sadegid vodes, enamba semendkus-kezakus (144..159 mm kus) i sügüz'kus (174 mm), vähemba kuivan sezonan aigan (tal'vku-keväz'ku) 30 mm. Kun keskmäine relätivine nepsuz vajehtase 60..71 % röunoiš vilukus-semendkus, 73..78 % kezakus-tal'vkus.

== Eläjad==
Vl 2010 Tegusigal'pan eläjiden lugu oli 1 126 534 ristitud ezilidnoidenke rahvahanlugemižen mödhe. Lidnan pind — 201,5 nellikkilometrad.

Vl 2013 kaik 1 055 729 ristitud elihe lidnas i 1 157 509 ristitud kaikes lidnan aglomeracijas 1514 km² pindal.

== Transport ==
Avtobusad da taksid oma kundaližeks transportaks lidnas.

Enččes rahvahidenkeskeine ''Tonkontin''-lendimport (''TGU / MHTG'') sijadase kudes kilometras suvhe Tegusigal'pan keskuzpalaspäi, om ümbärduzrenghan südäimes. Se tegeb civiližid reisid valdkundan südäimehe vaiše vn 2021 redukuspäi, mugažo kävutase sodaaeroportaks. Uz' rahvahidenkeskeine soda- da civiline ''Komajagua''-lendimport (''XPL / MHPR'') radab vn 2021 redukuspäi reisiden täht verhiže maihe, sijadase kudes kilometras suvhe [[Komajagua]]-lidnan keskusespäi, 80 km lodeheze pälidnaspäi.

== Homaičendad ==
<references />

== Irdkosketused ==
* [http://www.amdc.hn/ Tegusigal'pan ohjastusen oficialine sait (''amdc.hn — Alcaldia Municipal Del Distrito Central'').] {{ref-es}}
{{Commons|Tegucigalpa}}

{{Pohjoižamerikan pälidnad}}

[[Kategorii:Tegusigal'p| ]]
[[Kategorii:Gondurasan lidnad]]
[[Kategorii:Eländpunktad kirjamišton mödhe]]
[[Kategorii:Gonduras|*]]
[[Kategorii:Pälidnad]]
[[Kategorii:Gondurasan agjad]]
[[Kategorii:Fransisko Morasan (departament)|*]]