Ugrilaižed keled
Ugrilaižed keled oma uraližen kel'kundan pala. Ned mülütadas koume kel't: mad'jaran kel' (pagištas Mad'jaranmas), hantin kel' i mansin kel' (molembil pagištas Venäman Sibirin päivlaskmas).
Istorii
[vajehta | vajehtada lähtetekst]Ugrilaine ezikel' formiruihe koumandel voz'tuhal EME suomalaiž-ugrilaižen ezikelen čihodamižen kaks'haze rezul'tataks. Nügüd'aigan erased tedomehed pučihe siš teorijaspäi, miše ugrilaižil kelil om ühthižid jurid, i pagištas erazvuiččen augotižlibundan idiomiden sekundarižes konvergencijas kel'ühtištusen ramuziš.
Kaik läz 15 mln ristituid pagištas nenil kelil mail'mas, sur' enambuz otab kävutamižhe mad'jaran kel't.
Erinendad
[vajehta | vajehtada lähtetekst]Ugrilaižiden keliden pagižijad ei toimetagoi toine tošt ani. Sen ližaks, mansin da hantin keliden erasiden paginoiden pagižijad ei toimetagoi toine tošt mugažo.
Nene keled oma agglütinativižed.
Kaikil ugrilaižil kelil om kändoid, ika niiden lugu om erazvuitte jogahižel kelel; ozutesikš, mansin kelel om seičeme kändod vaiše, i madjaran kelel om enamba mi 20 kändod. Kaikil ugrilaižil kelil ei ole suguid.
Suffiksad kävutasoiš jonoštamha «minun», «sinun» da toižid pojavid pronominoid: házam «minun pert'» = ház «pert'» + -am «minun» (mad'jaran kel').
Aigoiden lugu om pen'.