Kacu tekst Ussuriisk

{{Eländpunkt
 | Nimi = Ussuriisk<br />Уссурийск
 | Lidnanznam = Coat of Arms of Ussuriysk (Primorsky kray).png
 | Flag = Flag of Ussuriysk (Primorsky kray).png
 | Lidnanznam text = Ussuriiskan lidnanznam
 | Flag text = Ussuriiskan flag
 | Valdkund = Venäma
 | Eläjiden lugu = 179,862
 | Voz' = 2023
 | Pind = 173
 | Fail = Уссурийск, ул. Некрасова.JPG
 | Pämez' = Jevgenii Korž<br/>(kül'mku 2019—)
 | Telefonkod = +7-4234-xxx-xxx
 | Avtokod = 25. 125
 | Aigvö = [[UTC]]+10 ([[MSK]]+7)
}}
'''Ussuriisk''' ({{lang-ru|Уссури́йск}}) om [[Venäma]]n lidn [[Merenrandaline rand|Merenrandaližen randan]] suvipäivlaskmas. Se om Ussuriiskan lidnümbrikon (vhesai 2005 — rajonan) administrativine keskuz, randan kahtenz' lidn eläjiden lugun mödhe.

== Istorii ==
Nügüd'aigaižen eländpunktan aluz om pandud sirdanuzil mehil Astrahanin i Voronežan gubernijoišpäi kuti ''Nikol'skoje''-žilo vn 1866 elokus, ph. Mikoi-čudonsädajan mödhe. Vl 1893 raudte ühtenzoiti žilod [[Vladivostok]]anke. Vn 1898 3. päiväl sulakud žilo sai lidnan statusad, nimitihe sidä ''Nikol'sk:aks''. 20. voz'sadan augotišes ukrainalaižed sirdanuded oliba ristitišton enambuses. Vl 1926 udesnimitihe lidnad ''Nikol'sk-Ussuriiskijaks'' ({{lang-ru|Никольск-Уссурийский}}) erištamha NSTÜ:n toižiš lidnoišpäi. Vozil 1935−1957 lidnan nimi oli ''Vorošilov'', vspäi 1957 nimitase nügüdläižikš.

Ussuriisk šingotase sömtegimištol ([[sahar (produkt)|sahar]], maidproduktad, likörad da [[vin]]), raudtevedimiden kohenduztegimel, kodielektronikan ühthekeradamižen tegimel, kartonkombinatal i kebnal tegimištol (sobad, nahkkengäd, mebel'fabrik). Edel 1961. vot saihe hil't läz lidnad, no lopihe samišt sijaližen hilen toksižusen tagut.

== Geografijan andmused ==
Lidn sijadase katl'uses, [[Hankanjärv|Hankanveren tazangištol]], sambnuziden vulkanoiden keskes, 33 m ü.m.t. keskmäižel korktusel. Pened joged oma Rakovk i Komarovk, mülüdas [[Razdol'nai (jogi)|Razdol'nai]]-jogen ({{lang-zh|绥芬河}} ''Suifen'-He'') hurapol'žhe basseinha, se jokseb [[Amuran laht]]he läz Vladivostokad. Matkad [[Vladivostok]]hasai om 76 km suvhe orhal vai 97 km «Ussuri»-avtotedme (A370), [[Kitai]]n röunhasai — 50 km päivlaskmha orhal.

Kaik 37 eländpunktad mülüdas lidnümbrikho Ussuriiskan ližaks: 35 žilod da kaks' raudtestancijad ühesal territorijal. Lidnümbrikon pind om 3690 km².

== Eläjad ==
Vn 2010 Venäman rahvahanlugemižen mödhe lidnan eläjiden lugu oli 158 004 ristitud, lidnümbrikon — 184 046 ristitud. Vl 2017 kaik 170 660 ristitud elihe lidnas i 196 863 ristitud kaikes lidnümbrikos. Lidnan kaikiš suremb ristitišt oli 180 383 ristitud vl 2021, kaiken lidnümbrikon 205 968 ristitud vl 2022.

Rahvahad (lidnümbrik, enamba 1 % vl 2010, ozutadud rahvahudenke): [[venälaižed]] — 91,0 %, [[korejalaižed]] — 3,0 %, [[ukrainalaižed]] — 2,4 %, toižed rahvahad — 3,6 %.

[[Ortodoksine hristanuskond|Ortodoksižen hristanuskondan]] kahesa pühäpertid<ref>[http://sobory.ru/geo/locat/3916 Ussuriiskan pühäpertid ''sobory.ru''-saital.] {{ref-ru}}</ref> oma kaičenus i saudud lidnas: viž jumalanpertid, kodijumalanpert' i kaks' časounäd. Niiden ližaks ph. Mikulai-čudonsädajan päjumalanpert', nell' jumalanpertid i časoun' ei ole kaičenus. Suviussuriiskan Jumalanmaman Sündundan naižjumalankodi (jumalanpert' i časoun') om kaičenus i avaitud lidnümbrikos.

Lidnan professionaližen opendusen aluzkundad oma Ussuriiskan medkolledž, Ussuriiskan tehnologijan da ohjandusen kolledž<ref>[http://kgapou-uktu.edusite.ru/ Ussuriiskan tehnologijan da ohjandusen kolledžan sait (''kgapou-uktu.edusite.ru'').] {{ref-ru}} <small>''(+ äikel'ne avtomatine känduz)''</small></ref>, Ussuriiskan agrotegimištoline kolledž<ref>[http://agrteh.ru/ Ussuriiskan agrotegimištoližen kolledžan sait (''agrteh.ru'').] {{ref-ru}}</ref>, Edahaižen Päivnouzmman tehnine kolledž, Merenrandaližen randan kul'turan škol, Ussuriiskan suvorovan sodaškol, Merenrandaline valdkundaline maižanduzakademii<ref>[http://primacad.ru/ Merenrandaližen valdkundaližen maižanduzakademijan sait (''primacad.ru'').] {{ref-ru}} {{ref-en}}</ref>, Merenrandaline raudtetransportan institut, Edahaižen Päivnouzmman federaližen universitetan filial (ende Ussuriiskan pedinstitut).

Lidnümbrikon pämez' om sen Administracijan pämez'. Edeline lidnümbrikon pämez' om Nikolai Rud' (sügüz'ku 2014 — sügüz'ku 2019).

== Galerei ==
<gallery mode="packed" heights="125px">
439 военный госпиталь МО РФ Уссурийск.JPG|Kaičendministrusen sodaläžundkodi nomer 439 (2016)
Здание Таможни на Ленина, 103 - panoramio.jpg|Muitan sauvuz (2013)
RussianChurch Ussurisk.JPG|Jumalanmaman Katken jumalanpert', vn 2008 nägu (kivine om saudud vll 1907−1914)
Рождественно-Богородицкий женский монастырь1.jpg|Jumalanmaman Sündundan naižjumalankodi, vn 2008 nägu
Ussuriysk LRZ проходная.jpg|Ussuriiskan vedimenkohenduztegimen tulend vl 2011
Здание сельхозинститута, проспект Блюхера, 44.jpg|Mererandaline valdkundaline maižanduzakademii (2010)
Уссурийское суворовское военное училище фото2.JPG|Ussuriiskan suvorovan sodaškol (2013)
Володарского,33 (1).png|Ussuriiskan lidnümbrikon dramteatr V. Komissarževskajan nimed (2017, ende Rahvahaline pert', om saudud vll 1907−1908)
2013-09-19-499 Дума городская.jpg|Lapsiden läžundkodi (2013, ende Nevondkundoiden pert')
Уссурийск здание вокзала в 2011 году.jpg|''Ussuriisk''-päraudtestancijan sauvuz vl 2011
</gallery>

== Homaičendad ==
<references />

== Irdkosketused ==
* [http://дума-уссурийска.рф/ Lidnümbrikon Duman oficialine sait (''дума-уссурийска.рф'').] {{ref-ru}}
* [http://adm-ussuriisk.ru/ Lidnümbrikon administracijan oficialine sait (''adm-ussuriisk.ru'').] {{ref-ru}}
{{Commons|Category:Ussuriysk}}

{{Merenrandaližen randan lidnad}}

[[Kategorii:Ussuriisk| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Merenrandaližen randan lidnad]]
[[Kategorii:Merenrandaližen randan lidnümbrikod]]