Kacu tekst Ust'-Džegut

{{Eländpunkt
 | Nimi = Ust'-Džegut<br />Усть-Джегута <small>(ven.)</small><br />Усть-Джьгваты <small>(abaz.)<br /></small>Жэгуэтэныпэ <small>(kab. da čerk.)<br /></small>Джёгетей Аягъы <small>(kar. da balk.)</small>
 | Lidnanznam = 
 | Flag = 
 | Lidnanznam text = 
 | Flag text = 
 | Valdkund = Venäma
 | Eläjiden lugu = 31,085
 | Voz' = 2022
 | Pind = 90
 | Fail = A155 highway (Russia) 19 km (Republic of Karachay-Cherkessia).jpg
 | Pämez' = Aznaur Semenov<br/>(reduku 2012—)
 | Telefonkod = +7-87875-xx-xxx
 | Avtokod = 09
 | Aigvö = [[UTC]]+3 ([[MSK]]+0)
}}
'''Ust'-Džegut''' ({{lang-ru|Усть-Джегута́}}, {{lang-abq|Усть-Джьгваты}}, {{lang-kbd|Жэгуэтэныпэ / Усть-Жэгуэтэ}}, {{lang-krc|Джёгетей Аягъы}}) om [[Venäma]]n lidn da lidnankund [[Karačajan da Čerkesijan Tazovaldkund]]an pohjoižes. Se om [[Ust'-Džegutan rajon]]an administrativine keskuz.

== Istorii ==
Eländpunktan aluz om pandud [[kozakišt|kozakoil-sirdnikoil]] vl 1861 kuti ''Ust'-Džegutinskai-stanic'' ({{lang-ru|станица Усть-Джегутинская}}). Se sai lidnan statusad vl 1975 nügüdläiženke nimenke.

Ust'-Džegut šingotase sauvondmaterialiden tegimil ([[cement]]<ref>[http://www.eurocement.ru/cntnt/rus/products_rus/filial/ustdzhegut3.html Tehmižen lehtpol' ''eurocement.ru''-saital.] {{ref-ru}}</ref>, mouckivi<ref>[http://izvest.org/ Džegonasan kar'jeran mouckiven tehmižen sait (''izvest.org'').] {{ref-ru}}</ref>, silikatine [[savič]]), pen' gidroelektrostancii om sauvomas. Edel 2004. vot raudbetontegesiden tegim radoi mugažo.

== Geografijan andmused ==
Lidn sijadase pidust' [[Kuban' (jogi)|Kubanin]] oiktad randad, 627 m ü.m.t. keskmäižel korktusel. Ust'-Džegutan vezivaradim seižub ülezjogen, Sur' Stavropolin kanal augotase siš, om lidnan päivnouzmaižeks röunaks. Matkad [[Čerkessk]]hasai om kahesa kilometrad pohjoižhe. ''Džegut''-raudtestancii radab vspäi 1944, se om 71-kilometrižen sarakon ''[[Nevinnomissk]]ai''-stancijaspäi lopstancijaks. Ei ole passažirühtenzoitust raudtedme vspäi 2009, se om kaičenus Čerkesskhasai vaiše.

Ust'-Džegut om lidnankundan üks'jäine eländpunkt.

== Eläjad ==
Vn 2010 kaiken Venäman rahvahanlugemižen mödhe eläjiden lugu oli 30 566 ristitud, rajonan koume videndest. Vl 2018 lidnan ristitišt oli 30 391 eläjad. Kaikiš suremb ristitišt oli 32 903 eläjad vl 2002.

Rahvahad (enamba 0,4% vl 2010, ozutadud rahvahudenke): [[karačailaižed]] — 54,6%, [[venälaižed]] — 32,6%, [[abazilaižed]] — 6,0%, [[čerkesalaižed]] — 1,4%, [[čiganalaižed]] — 1,1%, [[totarlaižed]] — 0,7%, [[ukrainalaižed]] — 0,4%, toižed rahvahad — 3,2%.

[[Islam]]an pämečet' om avaitud. [[Ortodoksine hristanuskond|Ortodoksižen hristanuskondan]] kaks' jumalanpertid<ref>[http://sobory.ru/geo/locat/7414 Ust'-Džegutan pühäpertid ''sobory.ru''-saital.] {{ref-ru}}</ref> ratas lidnas: ph. Mikoi-arhangelan (letihe kivišt vll 1879−1885) i phh. Pedr da Fevronija Muromalaižiden (om saudud vll 2014−2019). Protestantizman nell' pühäpertid oma saudud: [[vižkümnenden päivän jumalankodikund]]an kaks' jumalanpertid i [[baptizm]]an kaks' jumalanpertid.

Rahvahidenkeskeine nügüd'aigaižen ohjandusen avol'jaine kolledž (Čerkessk) — Ust'-Džegutan filial om lidnan professionaližen opendusen aluzkundaks.

Lidnankundan pämez' om Nevondkundan ezimez'. Lidnan Administracijan pämez' om Kemal Bairamukov vn 2012 kül'mkuspäi.

== Galerei ==
<gallery mode="packed" heights="125px">
Обелиск советским воинам, погибшим в годы Великой Отечественной войны 1941-1945 гг. Центральный парк, Усть-Джегута.jpg|Pölištunuziden vll 1941−1945 nevondkundaližiden sodamehiden muštpacaz lidnan keskuzpuištos (2019)
Братская могила советских воинов, погибших в борьбе с фашистами, Усть-Джегута.jpg|Pölištunuziden vll 1941−1945 nevondkundaližiden sodamehiden velleskaum (2019)
Усть-Джегутинское водохранилище.jpg|Kuban' lähteb Ust'-Džegutan vezivaradimespäi vl 2015
</gallery>

== Tetabad sündnuded ==
* [[Bilan Dima|Dima Bilan]] (sünd. 1981) — Venäman pajatai da kinon ak'tor.

== Homaičendad ==
<references />

== Irdkosketused ==
* [http://udgp.ru/ Lidnan tobmuden sait (''udgp.ru'').] {{ref-ru}}

{{Karačajan da Čerkesijan Tazovaldkundan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Karačajan da Čerkesijan Tazovaldkundan lidnad]]
[[Kategorii:Ust'-Džegutan rajon|*]]