Vikipedii

Vikipedii-späi
Vikipedijan logotip

Vikipedii (angl.: Wikipedia [ˌwɪkɨˈpiːdiə] / [ˌwɪkiˈpiːdiə]) om joudai, kaikile avaitud äikel'ne universaline enciklopedii. Amerikaine «Vikimedii-fond» pid'oiteleb sidä, siš om 37 regionališt palakundad.

Nimi om sätud «viki»- (saitoiden sädamižtehnologii) da «enciklopedii»-sanoišpäi. Vn 2022 sügüz'kun 1. päiväl Vikipedijas om enamb 59 mln kirjutusid[1] 329 kelel (vn 2016 heinkus oli 40 mln 293 kelel). Ičetahtnikad mail'man kaikiš tahoišpäi kirjutadas niid ühtes, i kaikuččele sab kirjutada da redaktiruida kirjutusid tugedusita. Kuctas Vikipedijan ühtnijoid Vikipedistoikš.

Džimmi Ueils i Larri Senger pästiba Vikipedijad töhö vn 2001 vilukus, ezmäi anglijan kelel. Se kel' om saitan radinkeleks. Lugetas Vikipedijad ühteks kaikiš täudembiš enciklopedijoišpäi ristitkundan istorijas tedoiden lugumäran i temoiden olendan mödhe. Vikipedijan sait mülüb Internetan kaikiš populärižembiden saitoiden kümenikha.

Kaikiš surembad Vikipedijad[vajehta | vajehtada tekst]

Naku om surembiden Vikipedijoiden nimikirjutez vl 2016, enamba 1 mln kirjutusid, järgenduz andase kirjutusiden lugun mödhe. Kacu nügüdläšt nimikirjutest alemba pandud šablonas.

  1. Anglijan Vikipedii
  2. Ročinkel'ne Vikipedii
  3. Sebuanokel'ne Vikipedii
  4. Saksan Vikipedii
  5. Alaman Vikipedii
  6. Francijan Vikipedii
  7. Venäkel'ne Vikipedii
  8. Italijankel'ne Vikipedii
  9. Ispanijankel'ne Vikipedii
  10. Varaikel'ne Vikipedii
  11. Pol'šankel'ne Vikipedii
  12. Vjetnaman Vikipedii
  13. Japonan Vikipedii

Kacu mugažo[vajehta | vajehtada tekst]

Homaičendad[vajehta | vajehtada tekst]

  1. List of Wikipedias. (angl.)


Nece kirjutuz Vepsän Vikijas: Википедий.