Kacu tekst Vingl

{{Eländpunkt
 | Nimi = Vingl<br />Винницы
 | Lidnanznam =
 | Flag =
 | Lidnanznam text =
 | Flag text =
 | Valdkund = Venäma
 | Eläjiden lugu = 2059
 | Voz' = 2017
 | Pind = 5
 | Fail = Мост через Оять.JPG
 | Pämez' =
 | Telefonkod = +7-81365-xx-xxx
 | Avtokod = 47
 | Aigvö = [[UTC]]+3 ([[MSK]]+0)
}}
'''Vingl''' vai '''Vidl''' ({{lang-ru|Ви́нницы}}) om vanh [[Venäma]]n [[žilo]] (''село'') [[Leningradan agj]]an [[Kos'kenaluižen rajon]]as. Se om [[Vinglan küläkund]]an administrativine keskuz.

== Istorii ==
Vingl mainitase ezmäižen kerdan vl 1137 kuti ''u Vjunice''-pagast Uz'lidnan Svätoslav-ruhtinasen anttud Sofijan päjümalanpertile kirjeižen valdkundmaksan objektoiden nimikirjuteses. 15.-16. voz'sadan aigkirjoiš se om Illän Venican pagast ({{lang-ru|Ильинский Веницкий погост}}). [[Oloncan gubernii|Oloncan gubernijan]] Velikodvorskai-volostin keskuz 18. voz'sadaspäi 20. voz'sadan augotišhesai. Edel 20. voz'sadan kesked nimitihe ''Vingl:aks'' külištod, ei eländpunktad. Mülütihe [[Piterin gubernii|Leningradan gubernijha]] vl 1922. Vl 1926 Vingl-külišt kogoni 40 penes lähižes küläspäi, sen tagut piidab kacta statistikad sil pordol tarkoiktemb. Vozil 1927−1963 Vingl-žilo oli Leningradan agjan [[Vinglan rajon]]an administrativižeks keskuseks, vll 1931−1939 oli rahvahaližen vepsän rajonan statusanke. Vl 1963 mülütihe rajonad [[Pöudon rajon]]ha küläkundaks, vspäi 1965 Kos'kenaluižen rajonha.

Suren Tatanman sodan aigan vozil 1942 (reduku) — 1944 (keza) külän ristitišt oli evakuiruidud suvhe lähižhe [[Järved (külä)|Järvidenkülähä]] (rajonan pordaigaline keskuz sikš aigaks) da meckülihe frontan ezipirdan lähembusen tagut.

Vingl šingotase torguindal i turizmal, mecan varhapanendal da ümbriradmižel.

== Geografijan andmused ==
Žilo sijadase rajonan keskuzpalan suves, [[Ojat']]-jogen randoil, oiktal randal tobjimalaz. Avtotesild ühtenzoitab randoid. Matkad [[Kos'kenaluine]]-lidnhasai om 46 km lodeheze orhal vai 73 km avtoteidme. «[[Vepsän mec]]»-puišt levigandeb suvhe Vinglaspäi.

Klimat om [[ven vö|ven]]. Voden keskmäine lämuz om +3,7 C°, kezakun-elokun +15..+17 C°, tal'vkun-uhokun −6..−9 C°. Paneb sadegid 708 mm vodes, enamba heinkus-elokus (87..88 mm kus), vähemba uhokus-sulakus (38..39 mm kus).

Küläkundan pind om 2891 km². Kaik 20 irdad i viž nimitadud kujod oma žilos.

== Eläjad ==
Vinglas elädas äi [[vepsläižed|vepsläižid]]. Vepsläižiden lugun mödhe nece žilo lidiruib [[Leningradan agj]]as. Vl 1989 (2511 rist.) kaikutte koumanz' žilon eläi kirjuti ičtaze vepsläižeks. Kaikiš suremb žilon territorijan ristitišt oli vl 1959 (2513 eläjad), vl 1971 (2480 rist.), vll 1987−1997 (2,5..2,6 tuh. rist., 2642 rist. vl 1990). Vl 2010 žilon ristitišt oli 2200 eläjad, küläkundan kaks' koumandest.

[[Ortodoksine hristanuskond|Ortodoksižen hristanuskondan]] kaks' pühäpertid<ref>[http://sobory.ru/geo/locat/1646 Vinglan pühäpertid ''sobory.ru''-saital.] {{ref-ru}}</ref> oma avaitud žilos: Jumalanmaman Smolenskan jumalaižen jumalanpert' (om letud vll 2004−2009) i ph. Serafim Sarovalaižen časoun' (saudihe vl 2007). Vasilii Suren jumalanpert' (1867−1873) om kaičenus, no ei ole rados, alištub restavracijale.

Jogavozne «[[Elonpu]]»-praznik mäneb žilos läz 16. päiväl kezakud vspäi 1987, severz'-se tuhad ristituid ühtnedas sihe. Vepsän rahvahan fol'kloran keskuz<ref>[http://www.dntlenobl.ru/vepsian_folklore_center/ Vepsän fol'kloran keskuz ''dntlenobl.ru''-saital.] {{ref-ru}}</ref> om sätud kul'turkeskusen alusel, uz' sauvuz ližadui vl 2019. Radai vspäi 1998 vepsän käzitöiden udessündutandan keskuz mülüb sihe: kanghiden tehmine puil, pletind tohespäi i ragoišpäi, poimetiž, omblend paikoišpäi.

== Galerei ==
<gallery mode="packed" heights="125px">
Дом в Винницах.JPG|Vanh pert' (2015)
Ансамбль Винницкого Погоста. Построен в XVII-XIX вв..JPG|Jumalanmaman Smolenskan jumalaižen jumalanpert' (tagamal) i Vasilii Suren jumalanpert', vn 2012 nägu
Трёхэтажные дома в Винницах.JPG|Koumežiruižed pertid vl 2015
Oyat Vinnitsy.jpg|Ojatin jogivaldmad «Elonpun» aigan vl 2010
</gallery>

== Homaičendad ==
<references />

== Irdkosketused ==
* [http://винницы.рф/ Vinglan küläkundan oficialine sait (''винницы.рф'').] {{ref-ru}}

{{Vepsän küläd Leningradan agjan Kos'kenaluižen rajonas}}

[[Kategorii:Vepsän küläd Leningradan agjan Kos'kenaluižen rajonas]]
[[Kategorii:Vepsän küläd kirjamišton mödhe]]
[[Kategorii:Eländpunktad kirjamišton mödhe]]