Kacu tekst Čennai

{{10000}}{{A10000}}
{{Eländpunkt
 | Nimi = Čennai (Madras)<br />சென்னை <small>(tamil.)</small><br />Chennai <small>(angl.)</small>
 | Lidnanznam = 
 | Flag = 
 | Lidnanznam text = 
 | Flag text = 
 | Valdkund = Indii
 | Eläjiden lugu = 4,681,087<ref>[http://www.censusindia.gov.in/2011-prov-results/paper2/data_files/India2/Table_2_PR_Cities_1Lakh_and_Above.pdf Cities having population 1 lakh and above (Lidnad 100 tuh. eläjid ristitištonke da sen enamba). — The Registrar General & Census Commissioner, India (''censusindia.gov.in'').] {{ref-en}}</ref>
 | Voz' = 2011
 | Pind = 426
 | Fail = Chennai Central .jpg
 | Pämez' = Saidai Duraisami<ref>[http://www.chennaicorporation.gov.in/about-chennai-corporation/PublicCMSPages.do?do=listWhoswho About Corporation of Chennai (Čennain municipaližes korporacijas). — ''Chennaicorporation.gov.in''.] {{ref-en}}</ref>
 | Telefonkod = +91-44
 | Aigvö = [[UTC]]+5:30
}}
'''Čennai''' ({{lang-ta|சென்னை}}, {{lang-en|Chennai}}; edel 1996 vot — '''''Madras''''') — om lidn [[Indii|Indijan]] suves, [[Tamil Nadu]]-štatan administrativine keskuz. Toine nimi om Čennapattanam. Kudenz' surtte lidn valdkundas, sen ristitišt om 4 681 087 ristitud (2011), lidnaglomeracijas — 8 653 521 ristitud<ref>[http://www.citypopulation.de/India-Agglo.html India: Major Agglomerations (Indii: päaglomeracijad). — ''Citypopulation.de''.] {{ref-en}}</ref> (2011) (4nz' sija).

Čennain aluz om pandud vl 1639. Lidn sijadase Koromandelin randal, Indijan suvipäivnouzmaižel randištol, kudamb lainištase [[Indine valdmeri|Indižen valdmeren]] [[Bengaline laht|Bengaližen lahten]] vedel. Erašti lidnad nimitadas «Suviindijan verajaks».

== Geografii da klimat ==
Čennai sijadase Tamil Nadun pohjoižpäivnouzmas, merenrandaližes alangištos, sen keskmäine korktuz om 6 metrad meren pindan päl, ülembaine korktuz — 60 m. Pidust' randištod levitase kuz'kilometraine Marin-letekül'bendrand, nece om kahtenz' pitte lidnan kül'bendrand mail'mas. Čennaiš om kaks' joged — Kuvam keskuses da Adjar suves. Bukingeman kanal (4 km pitte) om kaivatud merirandan paralleližikš da ühtenzoitab nenid jogid. Red-Hills-, Šolavaram- da Čembarambakkam-järved oma lidnan päivlaskmas. Sikš ku gruntveded oma lujas solakahad, ka ottas jondvet neniš järvišpäi.

Klimat om [[subekvatorialine vö|subekvatorialine]] mussonidenke. Lämuden köläidused oma pened voden jokstes. Räk da upar' oma enambuses vodes läbi. Voden sadegiden enambuz (kaikes vodes — 1300 mm) tegese pohjoižpäivnouzmaižen mussonan aigan (sügüz'kun lop — kül'mkun kesk). Lidn putub Bengaližen lahten cikloniden alle paksus. Vodenkeskeine lämuz om +28,8 C°.

== Administrativiž-territorialine jagand ==
[[Fail:Chennai-talukas.png|thumb|right|200px|Čennain rajonad:<br/>1. Egmor-Nungambakam.<br/>2. Tondiarpet-fort.<br/>3. Mambalam-Gindu.<br/>4. Milapur-Triplikan.<br/>5. Perambur-Purasavalkkam.]]
Viž rajonad om lidnas. Ičeze Čennain ližaks Sur Čennai kogoneb mugažo Kančipuram- da Tiruvallur-ümbrikoid.

Tegimišton päedheotandad oma Čennain pohjoižes. Azjaline aktivižuz om keskitadud lidnan keskuses. Eländfartalad da äiluguižed IT-kompanijoiden kontorad sijadasoiš suves.

Čennain kaikiš järedambad kaimdajad-lidnad oma: [[Mahabalipuram]] — suves, [[Čengalpattu]] — suvipäivlaskmas, [[Kančipuram]], [[Šriperumbudur]] da [[Arakkonam]] — päivlaskmas.

== Tobmuden aluzkundad ==
[[Fail:Chennai High Court.jpg|thumb|left|250px|Madrasan Ülembaine käskuzkund]]
Suren Čennain tobmuden päaluzkund om Čennain municipalitet. Sen pämehed oma lidnan pämez' da hänen varapämez'. Mülükund — 155 deputatad.

Tamil Nadu-štatan ohjanduzkund da parlament sijadasoiš mugažo Čennaiš.

Käskuzkundaližen tobmuden nimituz om Madrasan Ülembaine käskuzkund, kudamban juridižed valdatused oma väges [[Pudučerri]]š-ki ({{lang-fr|Pondišeri}}, Indijan nevondterritorii).

Koume deputatad ezitadas Čennaid Indijan parlamentan alakodiš (''Lok Sabh''), 18 Čennain deputatad oma Tamil Nadun parlamentas.

== Homaičendad ==
<references/>

== Irdkosketused ==
* [http://www.chennaicorporation.gov.in/ Čennai-municipalitetan oficialine sait (''chennaicorporation.gov.in'').] {{ref-en}}
* [http://www.chennai.tn.nic.in/ Čennai-ümbrikon administracijan oficialine sait (''chennai.tn.nic.in'').] {{ref-en}}
{{Commons|Chennai}}

[[Kategorii:Čennai| ]]
[[Kategorii:Indijan lidnad]]
[[Kategorii:Eländpunktad kirjamišton mödhe]]
[[Kategorii:Tamil Nadun lidnad]]
[[Kategorii:Tamil Nadu|*]]