Čagodoščan rajon

Čagodoščan rajon

Znam	Flag
Valdkund	Venäma
Eläjiden lugu	14 163 mest
Pind	2 408 63 km²

Čagodoščan rajon (ven.: Чагодощенский район) om rajon Vologdan agjas.

Administrativine keskuz om Čagod-žilo, mitte om 326 km Vologdaspäi, 340 km Piterišpäi da 380 km Sures Uz'lidnaspäi.

Geografijan andmused

Čagodoščan rajon om kaikid päivlaskmamb Vologdan agjan taho. Pind — 2 408,63 km². Sen piduz pohjoiželpäi suvelepäi — 60 km, päivlaskmalpäi päivnouzmalepäi — 68 km.

Röunatab:

• lodehes Leningradan agjan Boksitogorskan rajonanke
• homendezbokas Vologdan agjan Babajevon rajonanke
• päivnouzmas Vologdan agjan Ustüžnan rajonanke
• suves Novgorodan agjan Pestovon rajonanke
• longibokas Novgorodan agjan Hvoinijan rajonanke

Rajon sijadase Čagodošč- da Kobož-jogiden basseinoiš. Nene joged oma Molog-jogen hurad ližajoged. Joksijad rajonas Čagodošč-jogen päližajoged: Gorün, Smerdomk, Lid', Pes' (Ratc-ližajogenke) da Vnin. Kobož-jogen ližajoged: Vauged (ülä- da alaližajoged), Must, Veuč. Rajonan tahoiš oma enamba 20 järved. Kaikiš surembad niišpäi oma Must-, Siglin-, Uglič- da Konevo-järved.

Ižanduz

• Stökultegimad

1. AAÜ «Pokrovskii steklozavod» («Pokrovan stökultegim») (Sazonovo-žilos, muzaviden da vihandoiden stökulmülütimiden tulotand)
2. AAÜ «Smerdomskii steklozavod» («Smerdoman stökultegim») (vauged, vihandvauged, muzavihand, muzav stökul)
3. AAÜ «Čagodoščenskii steklozavod i K» («Čagodoščan stökultegim da K») (stökulmülütimiden tulotand)

• AAÜ «Čagodakomles» («Čagodankommec») (mecančapai edheotand)
• Izvest'tegim
• AAÜ «Belokrestskii maslozavod» («Belokrestin voitegim»)
• Leibtegim TÜ «Hleb» («Leib») (leibäd, nižunikad, makaronad, magupaštused)

Irdkosketused

• Tedod Vologdan agjan oficialižes saitaspäi (ven.)
• Čagodoščan rajonan administracijan oficialine sait (ven.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.