Vologdan agj

Vologdan agj
Вологодская область

Vologdan agjan flag Vologdan agjan znam
Keskuz	Vologd
Pind - Ühtes - veden pind (%).	26-nz’ 144 527 km²
Eläjiden lugu - Kaik - Sageduz	42-nz’ ümbri 1 227 800 mest (2007) ümbri 8,32 mest/km²
Federacijan ümbrik	Lodehen
Venäman ekonomine region	Pohjoine
Gubernator	Kuvšinnikov Oleg Aleksandrovič
Käskusenandajan tobmusen pämez'	Ševcov Georgii Jegorovič
Avtokod	35
Aigvöd	MSK (UTC+3, kezal UTC+4)

Vologdan agj (ven.: Вологодская область) om Venälaižen Federacijan subjekt (agj).

Geografijan andmused

Suhona-jogen pengr. Razbainikoiden kal'l'

Vologdan agj röunatab Leningradan agjanke päivlaskmas, Karjalan Tazovaldkundanke lodehes, Arhangel'skan agjanke pohjoižes, Kirovan agjanke päivnouzmas, Kostroman agjanke homendezbokas, Jaroslavlin agjanke suves, Tverin da Novgorodan agjoidenke öbokas.

Vologdan agj sijadase Päivnouzm-Evropalaižes tazangištos, mecakahad kukhad oma enambištos sen londuzkuviden keskes. Agjan ehtbokas, Šeksn- da Mologjogidenno, om Molog-Šeksnan alangišt. Lodehen palas oma kivesižed Andoman da Vepsän ülüsed, dai erased kukkazsel'gäd. Vag-, Suhon- i Jugjogiden alangod čapaba kukkaztahoid agjan päinouzmbokas. Agjan longibokas oma Pohjaž-Uvalad, ned sijadase suves Suhon-jogespäi.

Agjan pindan enambišt om ottud taigamecoihe, soihe da novihe.

Vologdan agjan kukhad läz Moločnoje-küläd (Vologdan lodehen ezilidn).

Agjas om läz 4 tuhad järved.

Vologdan agjan pind om jagadud Vauktan, Baltian i Kaspijan meriden basseinoiden keskes. Agjan lodehes, Vitegran rajonas, om koumekerdaine čokim (üks'jaine mugoine Venämas), kudamb jagab Äniženjogen (Pohjoine valdmeri), Nevanjogen (Atlantine valdmeri), Volgan (Kaspijan meri) basseinad.

Änine om kaikiš suremb järvišpäi Evropas, se kaičeb äi verest vet, da sen longibokaline rand om Vologdan agjas. Vitegr-jogi da Andom-jogi oma Änižen ližajoged. Mugažo agjan päilaskman joged (penes tahos) oma Ojatin ližajoged. Päilaskman agjan joged jokseba Ribinskan merhe (om vedensaub läz Volgad). Ribinskan meren znamasižed ližajoged oma Mologjogi, Sudjogi, Sogožjogi dai Šeksn.

Administrativine jagand

Lidnad

Vologdan agjas om 15 lidnad:

• Babajevo

• Belozersk

• Čerepovec

• Gräzovec

• Harovsk

• Kadnikov

• Kirillov

• Krasavino

• Nikol'sk

• Sokol

• Sur' Ustüg

• Tot'm

• Ustüžn

• Vitegr

• Vologd

Rajonad

Vologdan agjas om 2 lidnalašt ümbrikod da 26 municipališt rajonad (ümbrikod).

Galerei

• 

  Sügüz'

• 

  Tal'v

• 

  Taig

• 

  Vederistmiden pakaižed (Logduzkülä)

• 

  Isakmägel

• 

  Spas-Prilukin päjumalankodiš

• 

  Vologdan nit

• 

  Vologdan man hebod

Irdkosketused

• Agjan valdmehišton oficialine sait (ven.)
• Vologdan agjan Käskusenandajan tobmuz (ven.)
• Vologdan agjan käskišt (ven.)
• Vologdan agj venälaižes lehtištos (ven.)
• Vägisportladud Vologdan agjas (ven.)
• Vologdan agjan kul'tur (ven.) (angl.) (saks.)
• Vologdan agjan arhitektur (ven.) (angl.)