Mec

Vikipedii
Hüpähtada: navigacii, Ecind
Tal'vmec (taho läz Pineg-joged, Arhangel'skan agj)

Mec om Mašurun pindan pala, kattud pukazmusil. Mec ottab läz 9,4 procentad Man pindad da läz koumandest kuivman pindad, nece om 38 mln km²[1]. Necen meczonan polišk mülüihe tropikoihe, nelländez om Pohjoižmapoliškos. ÜRK:n arvoimižen mödhe, Venäman mecan pind om 8,5 mln km² (851 mln gektarad)[2], Rosleshoz:an andmusiden mödhe, miččid lugetas toižel metodal, vodel 2011 augotišes, mecfond om 1183,3 mln. gektarad, 797,1 — kattud mecal[3].

Mecoiden tipiden vepsän nimed[redaktiruida | redigeeri lähteteksti]

  • Barbik, barbišt — hen lehtezmec.
  • Harv mec, harvišt — mecpind ladvištoiden ümbištundmäranke 0,2—0,3 vähemb.
  • Kaskez — nor' segoitadud mec.
  • Kor'b, šohro, mecakišt, org — paks da amuine da edahaine mec.
  • Lomžom — mec äiluguižiden lohkaidud puidenke.
  • Madališt, barbikoikaz mec — madal ladvoil mec.
  • Palatez, palatiž — palanu mec.
  • Pihk — paks kavag'mec.
  • Puregišt — paks nor' mec.
  • Reskač, norišt — nor' mec.
  • Rozjam — kuivanu jurele mec.
  • Rouhišt — vanh mec, vanhoiš puišpäi.
  • Rädeg — paks da amuine kuz'ne mec.
  • Sar', sarik, sarjak — kazvai eriži mec.
  • Šaim — mectunu henošti so.
  • Vičikišt — nor' paks mec; paks penzhišt.
  • Vidä — nor’ kuz’ne mec, mž. paks.

Mecha sidotud vepsän tärtused[redaktiruida | redigeeri lähteteksti]

  • Lamad — mecan tarh meckävutamižen täht.
  • Mechine, mechaine, mecauk, mecamez' — mifine mecan ižand.
  • Parččom — mecan varhapanend.
  • Tösk — mecan tarh vai čapmaha sidä.
  • Uhring — notked taho mecas.
  • Vugonk — mecan ajand jogedme.

Mecha sidotud vepsän muštatišed da ozoitesed[redaktiruida | redigeeri lähteteksti]

Muštatišed[redaktiruida | redigeeri lähteteksti]

  • Azj eile kondi, mecha ei mäne.
  • Gorä ei mecadme kävele, a rahvastme.
  • Händikast kut taht söta, a üks'kaik kor'bhe kacub.
  • Ičeiž mad armhembad, ičeiž mecad čomembad.
  • Min edahamb mecha, sen enamb haugoid.

Ozoitesed[redaktiruida | redigeeri lähteteksti]

Mecas koume mechašt, kezal i tal'vel ühted sädod (hong, kuz' da kadag).

Homaičendad[redaktiruida | redigeeri lähteteksti]

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.