Lisicina Anna
| Lisicina Anna | |
| Sündundan sija | Žitnoručei |
| Sündundan päivmär | 14.02.1922 |
| Surman sija | Süvär' |
| Surman päivmär | 3.8.1942 |
| Pauklahjoid |    |
Lisicina(n) Anna, Mihailan tütär (ven. Лисицына Анна Михайловна; 14.02.1922, Ozrei (nügüd’ Kalagen posad), Karjalaine radkommun, VNFST — 3.8.1942, Süvär'jogi (Svir'jogi), Leningradan agj) — Karjalaiž-Suomalaižen Nevondkundaližen Socialistižen tazovaldkundan Kommunistižen partijan keskuzkomitetan sidonik, partizan. Nevondkundaližen Ühtištusen vägiak. Hän sai mugažo Leninan da Rusttan tähthan ordenad.
Aigaližed voded [redaktiruida]
Anna oli sündnu vl. 1922 Ozreis (ven. Žitnoručein külä) (nügüd’ Kaleigen külän posadas Änižröunan (Änižrandan) rajonas, Karjalan Tazovaldkundas). Hän oli vepsläine. Anna lopi Kaleigan keskmäižen školan. Vodespäi 1938 vodehesai 1940 hän openzihe Karjalaižes kul'turtehnikumas (vai Leningradižes kirjišttehnikumas). Sid' Anna radoi kirjištakan Segežan rajonan klubas.
Sur’ Kodimaine soda (voin) [redaktiruida]
1942 voden kezakul Lisicinan Annad da hänen sebranikad Melent'jevan Marijad oigetihe anastadud Šoutarven rajonha. Šoutarves hö sädiba peitkomitetoid, konspirativižid peittahoid, keraziba andmusid okkupacižen tobmuden polhe, lämoipunktoiš da toižiš sodasauvuziš. 1942 voden elokun 3 päiväl Lisicina upsi ehtatades Süväres poikpoli.
Irdkosketused [redaktiruida]
- Annan Lisicinan biografii «Man vägimehid»-saitas (venäkelel)
