Kantemirovkan sild

Kantemirovkan sildan ühthine nägu i Piterin TV-čuhunduz vl 2016

Kantemirovkan sild (ven.: Кантемировский мост) om Venäman Piterin vižkeskustaine metalline avtotesild Sures Nevkas päliči avaiduzkeskustanke huranno randanno. Alused oma raudbetonižed vajil.

Sauvuz ühtenzoitab Viipurin i Petrogradan rajonid, Kantemirovkan irdad i Viipurin randirdad Aptekarskii-sarenke. Grenaderoiden sild om saudud ülezjogen, Ušakovan sild sijadase mödvedhe.

Istorii

Ezmäine sild oli sätud plaškoutoišpäi vll 1817−1821 i oli olmas hätken.

Nügüdläine kaikenaigaine om avaiduzsildan, se om saudud vozil 1979−1982 kut lidnan uden magistralin pala. Projektan tegijad oma B. N. Brudno-inžener i V. M. Ivanov-arhitektor, B. B. Levin-inženeran i A. V. Govorkovskii-arhitektoran ühtnendanke. Sauvoiba Lenmostostroi-trestan SU-1- i SU-2-organizacijad E. V. Leikin-, B. N. Filippov-päinženeroiden i B. L. Poläkov-sauvondmastarin ohjandusen al. Nimitihe sildad lähižen irdan mödhe joudutadud fašistoišpäi vl 1942 Kantemirovk-raudtestancijan oiktastuseks Voronežan agjas.

Ümbrikirjutand

Sild om 312 m pitte (664 m pandusidenke-ližateidenke) da 31 m levette. Piduz veden päl om 198 m, sidä kesken päkeskust om 43 m pitte, lähižed keskustad oma 75 m pitte kaikutte. Kahten agjahižen jogahižen keskustan piduz om 57 metrad, ned oma letud randirdoiden päl. Pandusad-estakadad oma raudbetonižed.

Sildal kuz' avtoted oma sätud 24,5 metrad ühthiženke levedusenke. Trotuarad jaugnikoiden täht oma koume metrad levette, ned oma erigoittud avtoteišpäi metalližel bar'jeral.

Irdkosketused

• Kantemirovkan sild Piterin Mostotrestan saital (mostotrest-spb.ru). (ven.) (angl.) (kit.)