Marijampole

Vikipedii-späi
Marijampole
Marijampolė
 Lidnanznam
 Flag
Valdkund Litvanma
Eläjiden lugu (2015) 38,345 ristitud
Pind 21 km²
Marijampole Marijampolė
Pämez' Vidmantas Brazis
(2000−2007, 2008—)
Telefonkod +370−343
Aigvö tal'vel UTC+2,
kezal UTC+3


Lidn municipalitetan kartal

Marijampole (litv.: Marijampolė, vozil 1955−1989 nimitihe Kapsukas, mž. litv.) om lidn Litvanman suvipäivlaskmas. Se om Marijampolen municipalitetan administrativine keskuz, statistižen Marijampolen agj-regionan keskuz mugažo.

Istorii[vajehta | vajehtada tekst]

Lidnan istorii vedase Pašepulis-küläspäi, se mainitase dokumentoiš vspäi 1667. Kostöl radoi siš 18. voz'sadaspäi. Kvetiškis-usadib oli saudud läz küläd vl 1717, sen Butler-graf kändi küläd torguindsijaižeks Staropole-nimenke. Butlerene-grafanak pani toižen lidnan alust läheli, andoi umad manahoile-marianoile jumalankodin sauvondan täht. Jumalankodi i kostöl oliba saudud sil vl 1758. Ühtištuihe kaht sijašt oficialižikš da anttihe lidnan oiktusid vl 1792, nimitihe nügüdläižikš.

Marijampole šingotase sömtegimištol (maidkonservad, sahartegim), sauvondmaterialiden edheotandal (puižed iknad da uksed), turizmal (muzejad, usadibad, lebu), vanhiden avtoiden torgusel.

Geografijan andmused[vajehta | vajehtada tekst]

Lidn sijadase Šešupe-jogen molembil randoil. Kuz' sildad ühtenzoittas jogen randoid lidnas. Matkad Vil'nüshasai om 139 km päivnouzmha, Kaunashasai om 50 km pohjoižpäivnouzmha.

Vl 2008 eläjiden lugu oli 47 010 ristitud, heišpäi 97% oma litvalaižed. Kaikiš suremb ristitišt oli 52 100 eläjad vl 1991.

Sport[vajehta | vajehtada tekst]

Irdkosketused[vajehta | vajehtada tekst]



Litvanman statistikan agjad da niiden enččed administrativižed keskused
Alitusan agj (Alitus) | Kaunasan agj (Kaunas) | Klaipedan agj (Klaiped) | Marijampolen agj (Marijampole) | Panevežisan agj (Panevežis) | Šäuläin agj (Šäuläi) | Tauragen agj (Taurage) | Tel'šäin agj (Tel'šäi) | Utenan agj (Uten) | Vil'nüsan agj (Vil'nüs)