Severodvinsk
Lidnanznam
|
Flag
|
| Valdkund | Venäma |
| Eläjiden lugu (2020) | 181,990 ristitud |
| Pind | 120,51 km² |
| |
| Pämez' | Igor' Arsentjev (tal'vku 2022—) |
| Telefonkod | +7−8184-xxx-xxx |
| Avtokod | 29 |
| Aigvö | UTC+3 (MSK+0) |
.jpg){kind=spacer}
Severodvinsk (ven.: Северодви́нск, vozil 1938−1957 oli Molotovsk-nimenke) om Venäman lidn da lidnümbrik Arhangel'skan agjan pohjoižes, Venäman atomlaivansauvomižen keskuz. Se om agjan kahtenz' surtte lidn, alištub sen tobmudele oikti.
Istorii
[vajehta | vajehtada lähtetekst]Eländpunktan aluz om pandud vl 1936 kuti Sudostroi-radnikžilo. Vn 1938 se sai lidnan statusad. Toižen mail'man sodan aigan lidnan meriport oli sanu abud amerikalaižišpäi lend-lizan mödhe.
Severodvinsk šingotase sodameribazal, VA-laivoiden sauvomižel da kohendusel, konstrukcijoiden sädandal kosmodromoiden täht, laivmeblin pästandal, diamantoiden ümbriradmižel bril'jantoikš, sömtegimištol (leibtegim, maidtegim, lihakombinat). Kaks' LEK:ad ratas, suremb LEK otab londuselišt gazad veimespäi.
Geografijan andmused
[vajehta | vajehtada lähtetekst]Severodvinsk sijadase Vauktan meren randal, seičeme metrad ü.m.t. keskmäižel korktusel, läz Pohjoižen Dvinan Nikol'skii-jogensud. Om 35 km matkad lodehližhe polehe lähembaižes Arhangel'sk-lidnaspäi.
Klimat om ven meren. Voden keskmäine lämuz om +1,3 C°, kezakun-elokun +12,7..+15,8 C°, tal'vkun-uhokun −8,7..−11,4 C°. Ekstremumad oma −43,0 C° (viluku, uhoku) i +35,9 C° (heinku). Kezaaigan minimum om +1,3 C° (kezaku), tal'vaigan maksimum om +5,0 C° (uhoku). Ei voi panda halad kezakus-elokus. Paneb sadegid 566 mm vodes, enamba elokus (93 mm) i kezakus-heinkus (70..71 mm kus), vähemba vilukus-semendkus (22..32 mm kus). Lujad tulleid oleldas lidnan sijadusen tagut mererandan tazol sijal, no tullein keskmäine piguz kuidme om ven (2,6..3,2 m/s). Kun keskmäine relätivine nepsuz vajehtase 65..73 % röunoiš sulakus-heinkus, 82..87 % sügüz'kus-uhokus.
Tobmuz
[vajehta | vajehtada lähtetekst]
Municipaližen «Severodvinsk»-ühtnikan pind om 119 349 gektarad, lähižed eländpunktad (kümne lugul: nell' žilod, kuz' küläd, läz tuhad eläjid) mülüihe sihe, niita — 12 051 gektarad.
Edeline lidnan pämez' om Igor' Skubenko (sügüz'ku 2017 — kül'mku 2022).
Eläjad
[vajehta | vajehtada lähtetekst]Vl 1939 lidnan ristitišt oli 21 tuhad eläjid, vl 1959 — 78 657 eläjad. Vn 2010 Venäman rahvahanlugemižen mödhe lidnan eläjiden lugu oli 192 353 ristitud[1], lidnümbrikon — 193 697 ristitud. Kaikiš suremb lidnan ristitišt oli 255 tuhad ristituid vl 1990. Kaik 183 996 ristitud elihe lidnas i 185 942 ristitud kaikes lidnümbrikos vl 2017.
Rahvahad (lidnümbrik, enamba mi 0,4 % vl 2010): venälaižed — 91,1 %, ukrainalaižed — 1,6 %, vaugedvenälaižed — 0,6 %, toižed rahvahad — 2,1 %, rahvahuden ozutandata — 4,6 %.
Ortodoksižen hristanuskondan koumetoštkümne pühäpertid[2] oma kaičenus i saudud lidnas: ph. Mikulai-čudonsädajan päjumalanpert' i Emäganpäivän jumalanpert' enččes ph. Mikulai-čudonsädajan Korelan jumalankodiš (mainitase vspäi 1419), seičeme jumalanpertid i nell' časounäd.
Kaik viž tehnikumad (laivansauvomižen da mašinansauvomižen[3], laivansauvomižen da laivankohendusen[4], sauvondan, dizainan da tehnologijoiden[5], socialižen infrastrukturan, elektromontažan da sidon), Arhangel'skan medkolledžan i üläopendusen aluzkundoiden filialad oma lidnan professionaližen opendusen aluzkundoikš.
Galerei
[vajehta | vajehtada lähtetekst]-
Lidnan administracijan pert' -
Jumalanmaman Vladimiran jumalaižen jumalanpert' (2019, om saudud vodele 2008) -
Laivansauvomižen «Sevmaš»- (huralpäi) i «Zvözdočka»- (oiktal randal) edheotandad vl 2007 -
Sauvondan, dizainan da tehnologijoiden tehnikum, vn 2013 nägu -
Universaline keskuzlauk, 2009
.jpg)
._%D0%A4%D0%BE%D1%82%D0%BE_%D0%90._%D0%A9%D0%B5%D0%BA%D0%B8%D0%BD%D0%BE%D0%B2%D0%B0.jpg)
Sebruzlidnad
[vajehta | vajehtada lähtetekst]Kaik om 20 aktad ühthižtöiš Venäman municipaližidenke ühtnikoidenke, sen ližaks om viž verazmašt lidnad[6]:
- Sebruzlidn
Mozir', Vaugedvenäma (vspäi 2003)[7]
- Lidnad-partnörad
- Minsk, Vaugedvenäma (vspäi 2004)
Noištadt-in-Hol'štain, Šlezvig-Gol'štein, Saksanma (2008)
Sumad, Ukrain (2004)
Tiraspol', Dnestranrand, Moldov (2003)
Homaičendad
[vajehta | vajehtada lähtetekst]- ↑ Arhangel'skan agjan municipaližiden ühtnikoiden da eländpunktoiden ristitišton lugumär vn 2010 Venäman rahvahanlugemižen mödhe (arhangelskstat.gks.ru). — 100 lpp. — Lp. 2. (ven.)
- ↑ Severodvinskan pühäpertid sobory.ru-saital. (ven.)
- ↑ Severodvinskan Laivansauvomižen da mašinansauvomižen tehnikuman sait (тсим.рф). (ven.)
- ↑ Severodvinskan laivansauvomižen da laivankohendusen tehnikuman sait (py28.ru). (ven.)
- ↑ Severodvinskan Sauvondan, dizainan da tehnologijoiden tehnikuman sait (rustsdit.ru). (ven.)
- ↑ Regionidenkeskeižed kontaktad da šefsidod. — Severodvinskan administracii (severodvinsk.info). (ven.)
- ↑ Severodvinsk da Mozir' lindäs sebruzlidnoikš / 9. tal'vku 2003, Afn.by (Vaugedvenäman uzištused). (ven.)
Irdkosketused
[vajehta | vajehtada lähtetekst]- Severodvinsk-lidnan Ezitajiden nevondkundan sait (sevgorsovet.ru). (ven.)
- Municipaližen «Severodvinsk»-ühtnikan administracijan oficialine sait (severodvinsk.info). (ven.)
 |
Severodvinsk Vikiaitas |
| Arhangel'skan agjan lidnad | ||
| Arhangel'sk | Kargopol' | Koräžm | Kotlas | Mezen' | Mirnii | Nar'jan Mar | Novodvinsk | Nändom | Oneg | Severodvinsk | Sol'vičegodsk | Šenkursk | Vel'sk | ||