Minsk

Vikipedii
Hüpähtada: navigacii, Ecind
Minsk
Coat of Arms of Minsk, Belarus.png Flag of Minsk, Belarus.svg
Eläjiden lugu 1 838 200
Pind 308 км²

Minsk (vaugedvenäkelel: Мінск, venäkelel: Минск, vodhesai 1939 — Mensk) om Vaugedvenäman pälidn, Minskan agjan da Minskan rajonan adminisrativine keskuz (niihe adminisrativižhe ühtnikoihe iče lidn ei mülü), vägilidn. Se om valdkundan politine, ekonomine, kul'turine da tedoline keskuz. Minskas om Ripmatomiden Valdkundoiden Ühtištusen päfater. Lidnan sijaduz om läz valdkundan geografišt keskust, Sviločjogen randal. Minskan pind om 307,8 км². 2011 vodel eläjiden lugu - 1 864,1 tuhad ristitud.

Minsk om mugažo kaikiš järedamb transportsol'm Vaugedvenämas. Siš om 2 lendimportad: Minsk-1 da penemb rahvahaline aeroport Minsk; päraudtestancii. 1984 vodespäi lidnas radab metropoliten, kudambas om kaks' linijad da 25 stancijad.

Ezmäine johtutez lidnas vasttase vodel 1067 «Aigaižiden voziden starinas». Vodelpäi 1242 Minsk oli Litvanmas (möhemba — Sures Litvanman Knäz'kundas). Vodel 1499 lidn sai Magdeburgan oiktusen. Vodelpäi 1793 Minsk oli Minskan gubernijan pälidnan Venäläižes Imperijas. Vodel 1871 Minsk sidotihe raudtel Moskvaha da Varšavaha. Vodelpäi 1919 vodehesai 1991 se oli Vaugedvenäman Nevondkundaližen Socialistižen tazovaldkundan pälidnan. Suren Kodimaižen voinan aigan 70 000 minskalašt oli riktud, lidn oli muretud. Vodelpäi 1991 Minsk — rimpmatoman Vaugedvenäman pälidn.

Galerei[redaktiruida | redigeeri lähteteksti]

Ripmatomuden torg.

Irdkosketused[redaktiruida | redigeeri lähteteksti]

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.