Rim

	Rim
Eläjiden lugu	2 754 000
Pind	1285 km²

Rim (italijan kelel: Roma [ˈroːma]) om Italijan pälidn, Riman provincijan da Lacion agjan administrativine keskuz. Sen sijaduz om Tibranjogen randal. Ühtes F'jumičinon lidnanke Rim mülüb Rim-F'jumičinon lidnaglomeracijaha. Eläjiden lugu om enamb 2,7 millionad ristitud (aglomeracijas om emamb 3 millionad). Riman territorijal om kaikiš penemb valdkund Mal — Vatikan.

Rim om Italijan znamasine turistine keskuz. Siš om äjad tetabad mel'heižtahod: Riman forum, Kolizei, Panteon, Pühän Pavlan päjumalanpert' i m. e. Rim om mugažo jalos znamasine transportsol'm. Siš om 2 aeroportad: Leonardon da Vinči aeroport da Čamoino; 2 päraudtestancijad. 1955 vodespäi lidnas radab metropoliten.

Legendan möghe velled Romul da Rem, kudambad kazvoiba Tibranjogen randal, kerdan ridaškanziba; Romul rikoi Remad da pani lidnan alusen vodel 753 edel meiden erad.

Rim om üks' kaikiš vanhembiš lidnoišpäi Mal, Riman imperijan amuine pälidn. Oficialižetomad nimed: «Igähine lidn» da «Lidn seičemil kukhil».

1956 vodespäi Pariž om Riman üksjäine sebruzlidn («Vaiše Pariž om Riman arvoine; vaiše Rim om Parižan arvoine»). No Rimal om völ enamb 20 partnörlidnad (sidä kesken - Kijev).

1960 vodel Rimas oliba Kezaližed Olimpižed vändod.