Čelentano Adriano
Čelentano Adriano | |
ital.: Adriano Celentano | |
![]() Adriano Čelentano koncertal Veron-lidnas, vn 2012 reduku | |
radmižen toižend: |
laulja-laulukirjutaja, akt'or, koomik, fil'moiden režissör, scentarist, TV-vedai, muzikankirjutai, kitarrist, filmimonteerija, pajatai, filmimuusika helilooja, filminäitleja, režissöör, presenter, produtsent, salvestusmuusik, filmiprodutsent, avaliku elu tegelane |
---|---|
sündundan dat: | |
sündundan sijaduz: | |
valdkund: | |
avtograf: | |
sait: | |
![]() |
Adriano Čelentano (ital.: Adriano Celentano; sünd. 6. viluku 1938, Milan, Italii) om italijalaine pajatai, akt'or, režissör da prodüser.
Biografii[redaktiruida | redaktiruida purde]
Adriano om sündnu Milan-lidnha. Vl 1957 sai vägestust italižen rok'n'rollan ezmäižel konkursal. Vl 1961 pajatai ühtni ezmäižen kerdan Sanremon muzikfestivalihe Ventiquattromila baci-pajonke. Kaičendministran eriline laskend pidi olnudele armijas sodamehele ühtemha neche festivalihe. Pajatai kärouzi sel'gäl kacujile ezinendan zavodindas, laudkund lugi necidä ustavatomaks da andoi vaiše kahtenden sijan. Sil-žo vodel hän lopi kontraktad Jolly:nke, kerazi ičeze parahimid sebranikoid da sädi änetamižen «Clan Celentano»-markad.
Vl 1962 pajatai sai vägestust «Kantadžiro»-konkursal, ezini Stai lontana da me-pajod. Sen jäl'ghe hän tegi gastrolid Francijadme da Ispanijadme, sädi TV-programiden ičeze serijad.
Vl 1987 Adriano akanke ajelihe Nevondkundaližhe Ühtištushe üks'jäižen kerdan ičeze Dzoan Lui-fil'man ezmäižele ozutesele. Kacmata sihe, miše hän mokičese aerofobijaspäi, pajatai tegi erind NSTÜ:n täht da tuli lendimel. Artist andoi kaks' koncertad Moskvan «Olimpijskii»-sportkompleksas, se oli hänen ezmäine ezituz kahesas vodes. Keskuztelevizii fil'mzi koncertan TV-versijad.
Nügüd' Adriano jätktab sädamižradmižen i eläb erižpertiš, Lacio-agjas.
Adriano om nainu vn 1964, Klaudia Mori om hänen ak[9]. Heil om kaks' tütärt da üks' poig: Rosita, Rosalinda da Džakomo. Tähäsai üks'jäine Samuel'-poiganpoig om Adrianol Klaudianke.
Diskografii[redaktiruida | redaktiruida purde]
Al'bomad[redaktiruida | redaktiruida purde]
|
|
Fil'mografii[redaktiruida | redaktiruida purde]
- «Lapsed da muzikaline avtomat» (1959) — Adriano
- «Ülävarghuz Milanas» (1965) — Serdžio
- «Serafino» (1969) — Serafino Fiorin
- «Emigrant» (1973) — Peppino Kaval'jo
- «Juppi-du» (1975) — Feliče
- «Blef» (1976) — Feliks
- «Džeppo-meletoi» (1978) — Džeppo-meletoi
- «Barhatižed käduded» (1979) — Gvido Kviler
- «Sobat, pühäpäiv da pätnič» (1980) — Konstantin
- «Nenavašoin tüništoitmine» (1980) — Elia Kodonjo
- «Mel'dünu meletomašti» (1981) — Barnaba Čikini
- «Bingo-Bongo» (1982) — Bingo-Bongo
- «Sur' «Eksel'sior»-adivpert'» (1982) — adivpertin Tadeus-menedžer
- «Sing-sing» (1983) — Al'fredo
- «Džoan Lui» (1985) — Džoan Lui
- «Čan'ž» (1986) — Tito Torrizi
- «Džakpot» (1992) — Furio
Mel'hetartujad faktad[redaktiruida | redaktiruida purde]
- Čelentano ei sö lihad vspäi 2005, hän kaičeb živatoiden oiktusid.
- Hän om «Inter»-futbolkluban himokaclijan.
Homaičendad[redaktiruida | redaktiruida purde]
- ↑ Deutsche Nationalbibliothek Record #119122200 // Adriano Celentano — 2012—2016.
- ↑ SNAC — 2010.
- ↑ Discogs — 2000.
- ↑ filmportal.de — 2005.
- ↑ Dutch Top 40
- ↑ Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
- ↑ Munzinger Personen
- ↑ Deutsche Nationalbibliothek Record #119122200 // Gemeinsame Normdatei — 2012—2016.
- ↑ Адриано Челентано и Клаудия Мори отметили золотую свадьбу автобиографической книгой (Adriano Čelentano da Klaudia Mori znamoičihe kuldsajad avtobiografijan kirjal) / Itar-tass.com. (ven.)