2 (lugu)

Vikipedii
Mine navigeerimisribale Mine otsikasti
2

2 (kaks') om lugusana 1 da 3 keskes.

Lugun ičendad[redaktiruida | redaktiruida purde]

  • Nece lugu om palatoi, jagamatoi.

Kaks'-lugusanha sidodud vepsän muštatišed da ozoitesed[redaktiruida | redaktiruida purde]

Muštatišed[redaktiruida | redaktiruida purde]

  • Ei kaht carid ühthe lidnha mülütagoi.
  • Hüvä vaza kaht emid imeb, a paha ühten-ki kadotab.
  • Kaht jänišad küksendeled, ni üht ed tabada.
  • Kaks' kondjad ühtes pezas ei voigoi eläda.
  • Kaks' päiväd oled adiv, a eskai — iče emäg.
  • Kaks' sil'mäd edemba nägeba, mi üks'.
  • Kurdhele kaks' kerdad ei sanugoi.
  • Lapses om äi ližad: kalan sab da kaks' söb.
  • Ühtele om hüvä, a kahtele — paremb.
  • Ühtespäi kaht ei linne. (ala anda vaudad lapsele)

Ozoitesed[redaktiruida | redaktiruida purde]

  • Kaks' vellest läheten elädas, üks' te om keskes. (sil'mad)
  • Kaks' vellest päliči tes elädas, toine tošt ei nähkoi. (sil'mad)
  • Penikaižes bučuižes kahtejitte vin. (muna)

Kelenvänd[redaktiruida | redaktiruida purde]

  • Ajada kahthe kabjaha — ajada hebol hotkas.
  • Kadoda kahthe kogoho — kadoda olden olmas läz.
  • Kaks'-kahten — ocati, ocatusi; oc ocha; sil'metusin.
  • Kaksikoverižhe — kovertas lujas.
  • Kaksinkäzin — ihastusenke, avoinsül'či.
  • Kahtel laučal ištta — tehta kaks' azjad ühten aigan.
  • Kahten agjanke palik — hüviden da hubiden poliden ümbrikirjutand.
  • Kahten lämoin keskes — olda väran aigan sijas, konz toižed ristitud rideltas.
  • Kahthe kabjaha velaita — toda lujas hotkas, tolauta.
  • Padaspäi kaks' vaksad — lühüd vai madal kazvol.