1 (lugu)

1

1 (üks') om lugusana 0 da 2 keskes. Se om londuseline kogonaine lugu, erigoittud objektan abstraktine el'genduz.

Necen lugun znamoičend om sur' fizikas, informatikas i matematikas.

Ičendad

Miččen taht lugun äikerdoičend ühteks andab sidä-žo lugud, jagamine ühtehe i üks'jäine märpordaz mugažo. Ühten jagamine surudehe andab tagasurut. Miččen taht lugun (päiči noläs) noläine märpordaz om 1. Nolän faktorial om ühthe tazostadud (0! = 1) tedomehiden kožundkirjutesen mödhe.

Üks' ei ole palakaz i eile palatoi lugu, toižin mureniži niiden luguiden teorijad.

Üks'-lugusanha sidotud vepsän muštatišed da ozoitesed

Muštatišed

• Ei kaht carid ühthe lidnha mülütagoi.
• Ei päiväine ühtei ühtes čuraspäi pašta.
• Hüvä vaza kaht emid imeb, a paha ühten-ki kadotab.
• Kaks' kondjad ühtes pezas ei voigoi eläda.
• Ojatin lapsed seičemen üht ei varaikoi.
• Pu ei lankte ühtel painandal.
• Üht päd ei voi sötta.
• Ühtel sijal i kivi kazvahtub.
• Ühtes päiväižes hatrad kuivaziba.
• Ühthe korvha mäneb, toižespäi lähteb.
• Üks' päskhaine kezad ei tege.

Ozoitesed

Nell' vellest ühten katusen al seištas (laud).
Nell' vellest ühten šläpan al seištas (laudan jaugad).

Kelenvänd

• Ühtel tel — tehta völ midä-se kerdalaz.
• Ühthe lautha, ühtoiktha — kerdalaz, keskustata.
• Ühthe unhe magata — magata hätken da süväs.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.