AÜV:oiden flag

Flagan nügüdläine versii

AÜV:oiden flag (angl.: Flag of the United States) om AÜV:oiden oficialine valdkundaline simvol, Suren pečatin i AÜV:oiden valdkundgimnan ühtes. Om tetab mugažo kut Tähthasiž-šoidukaz flag (angl. Stars and Stripes).

Flagan päiv (Flag Day) oigendase 14. kezakud, valdkundan parlament vahvišti teran kuvan ezmäšt versijad arni sil päiväl vl 1777.

Ümbrikirjutand

Flag om oigedsaumaine tera 13 čereduidud šoidunke: seičeme rusttad i kuz' vauktad. Muzasinine oigedsaumnik huras ülähäižes čogas znamoičeb Ühtištust, siš vižkümne vauktad vižagjašt tähtast kuvadasoiš štatoiden lugun mödhe (nügüd' om 50 štatad). Koumetoštkümne šoidud simvolizuruidas Britanijan enččid kolonijoid, ned tedištoitihe ripmatoman valdkundan: Delaver, Džordžii, Konnektikut, Massačusets, Merilend, Nju-Džersi, Nju-Gempšir, Nju Jork, Pensil'vanii, Pohjoižkarolin, Rod-Ailend, Suvikarolin, Virginii.

Rusked muju ozutab ninevust i vahvut, muzasinine — robaidust rados, oiktusekahut i olendad herkhil, vauged — värhudetomut i puhthut. Flagan poliden rindatuz om 10:19.

Nügüdläine flagan versii om vahvištadud 1960-nden voden 4. päiväl heinkud, Havajad-štatan sädandan jäl'ghe. Se oli flagan 27nz' lugul vahvištuz. Ku uz' štat tuleškandeb AÜV:oihe, ka sen tähtaz linneb ližatud flagha 4. päiväl heinkud mugažo.

Istorižed edelkävujad

• 
  Britanine rusked peraflag, oli kävutadud vencan amerikaižiš kolonijoiš 18. voz'sadan aigan
• 
  Britanižen Ost-Indižen kompanijan flag (voziden 1707−1801 versii)
• 
  Flag Sodan ripmatomudes aigan (tal'vku 1775 — kezaku 1777), vai Kontinentaline flag
• 
  Ičetehtud Serapis:an flag, vai Džon Pol Džons, — ezmäine AÜV:oiden flag (oficialižetoi), kudambad näguihe Evropas vn 1779 redukus

Valitud edeližed versijad

• 
  1. versijan Betsy Ross-toižend (üks' kudespäi vll 1777−1795)
• 
  8. versijan GreatStar-toižend (üks' kahtespäi vll 1837−1845)
• 
  13. versii (1851−1858)
• 
  19. versijan oficialine toižend (üks' koumespäi vll 1867−1877)
• 
  25. versii (1912−1959)

Irdkosketused

• Lehtpoled AÜV:oiden flagas chamberofcommerce.org-saital: istorii, kuvad, paksus anttud küzundad. (angl.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.