Arabiž-izrailine rida

Izrail' i AVÜ
     Araban Valdkundoiden Ühtnend      Izrail'      Vojuihe Izrailid vaste      Jordan-jogen Päivlaskmaine rand i Gazan sektor

Arabiž-izrailine rida om jätkustui vastustuz arabialaižiden (AVÜ:n) i sionizman likundan (Izrailin) keskes.

Istorii

Zavodihe 19. voz'sadan lopus evrejalaižiden borcuindaspäi sädamha ičeze valdkundad. Vl 1948 Izrailin i Palestinan olendan aluz om pandud, no araban mail'man valdkundad pučtas Izrailin täudes tundištamižespäi tähäsai päiči Egiptad (vn 1979 kožundkirjutez) i Jordanijad (vn 1994 kožundkirjutez).

Palestiniž-izrailine rida om regionaližeks. Etnosankeskeižen konfliktan vägi lujeneb erazvuiččen uskon taguiči (judaizm i islam), mail'man Suriden valdkundoiden valatoitandaspäi.

Problemad

Ridan päproblemad: Jerusaliman jagund, pagenijad mehed (evrejalaižed araban maišpäi i arabialaižed Palestinaspäi), uziden eländpunktoiden leviganduz.

Äiluguižed sodad da incidentad, terroran aktad kaimdas Izrailin šingotest. Kaik läz 55 tuhad sodamehid pölištuiba konfliktan aigan.

Ridan aigtegod

Znamasižiden aigtegoiden nimikirjutez:

• Arabiž-izrailine soda (1948−1949)
• Kuz'päiväline soda (1967)
• Soda vägitomudennoks (1967−1970)
• Kemp Devidan kožmused (1978)
• Ezmäine Intifada (1987−1991)
• Oslon kožmused (1993) i Palestinan rahvahaližen administracijan sädand (1994)
• Araban kožmuseline iniciativ (2002)
• Al' Aksan Intifada (2000−2004).