Gollüz

Gollüz om individan (goll', gollič) vai socialižen gruppan (golläd) ekonomižen olendan harakteristik, sen aigan hö ei voigoi täutta tarbhaižid elon täht, radmižmahtusen kaičendan i rodun jätktusen kulutuzmärid.

Vedadas nägusen tedoidusid 18. voz'sadaspäi, gollüden kriterii om taritud kanzan büdžetan alusel 19. voz'sadal. Gollüz om relätivine i äiznamoičendaline tärtuz, rippub elon tazopindan ühthižes standartaspäi arni neciš valdkundas (Džinin koefficient, Teilan indeks). Absolütine, relätivine i subjektivine gollüz oleldas.

Vl 2007 Mail'man bank oti absolütižen gollüden röunaks US$1,25-summan rajadust ühtes päiväs ühthe henghe, lugetihe kursad ostmižmahtusen paritetan mödhe. Vl 2015 Mail'man bank libui gollüden röunad 1,9 dollarhasai päiveses, vn 2022 sügüz'kuspäi se röun om US$2,15 ühtele ristitule.

Süd

Gollüz libub neniden süiden gruppiden tagut:

ekonomižed (radotomuz, ekonomine kohtaižusetomuz, sidä kesken madal radpauk, madal tön tehmižmahtuz, sarakon vaumičematomuz konkurencijale),
socialiž-medicinižed (invalidižuz, vanhuz, korged läžumižlugu),
demografižed (vajagad kanzad, eläjiden koštul sur' lugu kanzas, ristitišton ülälugumär),
openduz da kvalifikacii (opendusen madal tazopind, täutmatoi professionaline vaumičend),
politižed (sodakonfliktad, radatadud migracii),
regionaliž-geografižed (regioniden šingotez tazomäraita, londuseližiden onetomuziden paksuz),
religioziž-filosofižed i psihologižed (askez kut elonmahtuz, mel'hüvüz nužan tagut).

Gollüdhe sidodud vepsän muštatišed

Bohatale iknaspäi-ki tuleb, a golläl ka uksespäi-ki lähteb.

Elokaz kut zatrib, a goll' kut voib.

Goll' penembaspäi andab, a elokaz surembaspäi ei anda.

Kacu mugažo

Elokahuz

Homaičendad

Gollüz Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.