Evropalaine hähk

Vikipedii-späi
(Oigetud lehtpolelpäi Hähk)
Evropalaine hähk
Evropalaine hähk
Evropalaine hähk
Tedoklassifikacii
Valdkund: Živatad
Tip: Sel'gjäntkeižed (Chordata)
Klass: Imetaiživatad (Mammalia)
Heimkund: Lihansöjad (Carnivora)
Sugukund: Nädanvuiččed (Mustelidae)
Heim: Lasicaižed i horid (Mustela)
Erik: Evropalaine hähk
Latinankel'ne nimi
Mustela lutreola (Linnaeus, 1761)
Areal
Image
     Areal vodes läbi     Areal vodes läbi nacein     Kadoi


Sistematik
Vikierikoiš


Kuvad
Vikiaitas

ITIS 621951
NCBI 9666

Hähk vai Evropalaine hähk (latin.: Mustela lutreola) om živatan erik. Se mülüb Lasicaižed i horid-heimho, Nädanvuiččed-sugukundha.

Leviganduz[vajehta | vajehtada tekst]

Ende živat oli mectusen objektaks karvha näht, nügüd'aigan om kaičendan al kaikiš valdkundoiš, mainitase Rusttas kirjas.

Erikon levigandmižen avaruz om Venäma (evropine pala), Estinma, mugažo Baskanma, Dunain del't. Živatoiden lugu poleneb amerikalaižen hähkan tulendan tagut (latin.: Neovison vison).

Elonmahtuz om vezištoihe sidodud. Eläb edahaižiden peniden jogiden venoidme randoidme.

Ümbrikirjutand[vajehta | vajehtada tekst]

Hibj om notked pit'kač 28..43 sm pitte i 550..800 grammad vedutte. Käbälad oma lühüdad, händ om siled 12..19 sm pitte. Karv om lühüd tihed, alakarv mugažo, mugoi kezal-ki, jäb kuivaks vedes hätken.

Ujub i čukloitelese hüvin. Karv vereb kevädel i sügüzel, process mäneb hätken.

Söte[vajehta | vajehtada tekst]

Evropine hähk otab sötkeks vezištoiden kaikil penil živatoil: hirenvuiččed nühtajad, kalad (ahven, haugenpoigaižed, meritorp), löcud da rakad, vezigavedid i mollüskad. Navedib verest sališt.

Edel tal'ved živat tegeb sötken varoid ičeze peitsijiš i madališ bongoiš. Näl'gaspäi voib tactäs kodilinduihe i löuta ristitun sömän jändusid.

Homaičendad[vajehta | vajehtada tekst]