Kubenanjärv

Kubenanjärven nägu Kivižes sarespäi vn 2013 elokus

Kubenanjärv (ven.: Ку́бенское о́зеро, suom.: Kubenskojejärvi) om reskveden järv Venäman Vologdan agjan keskuzpalas, sen Kubenansun i Vologdan ümbrikoiš. Mülüb Suhon-jogen i Jävaldmeren basseinha.

Ühthižed andmused

Pind vajehtase 370..417 km² röunoiš (vähemb vähän mi Vože-järv), mülü — 1..1,7 km³. Se om agjan videnz' vezišt pindan mödhe i nellänz' mülün mödhe. Järven süvüz om 4,5..13 metrad, keskmäine süvüz — 2,5 m. Basseinan pind om 14,7 tuhad nellikkilometrid, se om enamba vähän mi lähižes Vaugedjärves.

Järven pind reguliruiše padoseinäl Suhon-jogen lähtendsijanno i sijadase 110 m ü.m.t. keskmäižel korktusel.

Bassein

Langenijad joged oma Kuben i Uftüg, kaik om läz koumekümned ližajogid da ojid. Üks'jäine Suhon-jogi lähteb järvespäi. Padosein Suhonan lähtendas lanktase pohjaha tal'veks, miše mänii vastpolin Suhonanjogen keväz'vezi voi tulda järvhe röunadusita.

Ümbrikirjutand

Kubenanjärv om tektonižen i jäžoman augotižlibundan. Sokaz alangišt levitase päivnouzmha i suvhe järvespäi, päivlaskmaine rand om ven, läz lahtita. Järv om pit'k formal, 54..60 kilometrad pitte i 10..15 km levette. Madalzdub hilläšti, järven nügüdaigaine suvipäivlaskmaine rand sijadase kahtes kilometras enččespäi, pohjoižpäivnouzmaine om 10..16 kilometras eziauguižes nägujas randaspäi. Pohj om letkesine da nimekaz päpaloin. Jädub redukus-kül'mkus, avaidase sulakus-semendkus.

Järv kävutase Pohjoiždvinan vezisisteman palaks. Sen farvater om kaid da madal, sügüzel eriližešti. Om severt-se kivisel'gid pohjanno, se telustab laivanlikundale. Vedatadas ujuden baržid, privatižed katerad da motorvenehed ujudas. Kalanpüdand om šingotadud. Znamenitii-šlüz («tetab») om saudud padoseinänno. Pohjoiždvinan kanal ühtenzoitab järven pohjošt Šeksnanjogenke (Volgan da Baltijan vezite) Porozovic-jogen kal't vspäi 1829. Znamasine om Tokšansar' (ven.: Токшинский) pidust' pohjoižpäivnouzmašt randad. Pen' ratud Kivine sar' ortodoksižen hristanuskondan Spas-Kivine-mez'jumalankodinke (udessündutase) om saudud Kubenan suhištod vaste, turizm šingotase siš.

Kaikiš znamasižembad eländpunktad järven randal da randpolel oma žilod Kubenskoje (suves) i Kubenansu-rajonkeskuz (päivnouzmas). Ottas järven vet varadamha Vologd-lidnad reskvedel tor'vveziveimen kal't 1980-nziš vozišpäi.

Galerei

• 
  Vn 1898 järven kart Pohjoiždvinan kanalanke (ende kanal Aleksandr Vürtembergalaine-ruhtinasen nimed)
• 
  Spas-Kivine-jumalankodi, vn 2013 nagu
• 
  Jädunuden järven i Spas-Kivine-jumalankodin nägu vn 2014 uhokus
• 
  Järven lodehližen randan nägu läz Peski-küläd-lebutahod vn 2018 elokus
• 
  Kater järven randannoks, vn 2013 eloku